Адамдарды бөлу
жеке
блог

Адамдарды бөлу

Қазір қоғамда адамдарды бөліп, сырт келбетіне қарап, таңдап араласу қалыптасып кеткен.Бұл қоғам үшін өте өзекті мәселе деп ойлаймын.Мысалы, ұлдар қауымы қыздарды «Бірін әдемі, екіншісінің түрі онша емес, біреуін арық, бірін толық, немесе шашы ұзын, қысқа» деп сырт келбетімен сынап жатады.Ал қыздар жағы кейбіреулері сырт келбетімен сынап жатса, кейбірі материалдық тұрғыда «машинасы жоқ, үйі жоқ, ақшасы жоқ» деп сынайды.Бірақ, солай сынап жатқанда, барлық адам баласын бір Алла жаратқанын ұмытып кетіп жатады.Сонымен қатар, Алла бізді әртүрлі етіп жаратты.Әр адам өз болмысымен ерекше.Ең бастысы, он екі мүшеміз сау болғанына шүкір деудің орнына, өзгелердің бойынан кемшілік іздеп, өсектеуге құмартып тұрамыз. «Адамдарды бөлу- Аллаға қарсы шығумен тең».Себебі, адам өз түрін, жағдайын өзі таңдап алмайды.Алла қалай жаратты, сол күйінде қалу керек.

     Сонымен қатар, қазір өз сырт келбетіне көңілдері толмай, пластикалық отаға жүгінетіндер де аз емес.Ол өте үлкен қателік.Алайда, кез келген адам себепсіз ондай жағдайға келмейді деп ойлаймын.Оған айналасындағы адамдардың, ортасының бөліп, қабылдай алмауы басты себеп болады.Кез келген ота адам өміріне қауіп төндіреді.Соған қарамастан сұлу болу үшін адамдар пышақ астына түсіп, өз өмірлерін қатерге тігіп жатады.Осындай оталардың кесірінен өмірімен қоштасып жатқандар да бар.

    Осындай жағдайлар адамның психологиясына да әсер етеді.Қоғамның қабылдай алмауынан адамдар тіпті суицидке барып, стресс, депрессияға түсіп жатады.

     Сондықтан, әр адам өзінен бастап, ешкімді болмысы немесе жағдайына қарап бөлмей, ешкімді ғайбаттамай, өзін дамытып, өз өміріне көңіл бөлгені жөн.Біреуді өсектеп, бөліп, сынау арқылы өз бойымыздағы энергиямызды жоғалтамыз.Санамызды тазалап, өзімізді танып, өзгеріп, дамуға тырысайық!