ҚазҰУ - жарқын болашақ кепілі.
жеке
блог

ҚазҰУ - жарқын болашақ кепілі.

Әл-Фараби атындағы Қазақ ұлттық университеті - бай дәстүрі мен тарихы бар, оқу және ғылыми жұмыстардағы көпжылдық тәжірибесі бар университет.
Әл-Фараби атындағы Қазақ ұлттық университеті - мемлекеттік аттестаттаудан бірінші болып өтіп, барлық мамандықтар мен деңгейлерде білім беру қызметін жүзеге асыруға құқығын растайтын Қазақстан Республикасы жоғары білім беру жүйесінің жетекші ордасы.

Бүгінгі таңда әл-Фараби атындағы ҚазҰУ - бұл сізге көптеген мамандықтарды ұсынатын оқу-ғылыми кешен.

ҚазҰУ-дың көп деңгейлі білім беру жүйесіне мыналар кіреді: жоғары базалық білім (бакалавриат), жоғары мамандандырылған білім, магистратура және докторантура. ҚазҰУ-ға қабылдау мемлекеттік білім гранттары бойынша және келісімшарт негізінде жүзеге асырылады. Мамандарды даярлау 180-ден астам мамандық бойынша жүзеге асырылады.

Университетте 16 факультет, 67 кафедра, 32 ғылыми-зерттеу институттары мен орталықтары, технопарк бар; 2 мыңнан астам профессорлар, докторлар, ғылым кандидаттары және философия докторлары, 100-ден астам ірі академиялардың академиктері, 40-тан астам Қазақстан Республикасының еңбек сіңірген қайраткерлері, 40-қа жуық Қазақстан Республикасының Мемлекеттік және жеке сыйлықтарының лауреаттары және 40 жас ғалымдарға арналған сыйлықтардың 40 лауреаттары, 47 мемлекеттік ғылыми стипендия стипендиаттары жұмыс атқарады.

М.Әуезов, Ә.Марғұлан, Б.Кенжебаев, М.Балақаев сияқты көрнекті тұлғалар негізін қалаған филология және әлем тілдері факультеті ежелгі қайталанбас тарихы бар. Әлемдік әдебиеттің алтын қорында құрметті орын алатын академик, қазақ әдебиетінің классигі Мұхтар Әуезов біздің факультетте 30 жылдай еңбек етті. 

Осы жылдар ішінде үлкен тәжірибе мен білім қорын жинаған бұл университет біздің елдегі көптеген студенттер арасында құрметті және үлкен сұранысқа ие. ҚазҰУ түлектері өз саласының мамандары болып табылады және тек Қазақстанда ғана емес, сонымен қатар шет елдер түлектерімен  бәсекелеседі.

Жастардың асқақтаған мақсаттары мен армандарына табысты жетудің кілті - білімі, инновациялық ойлауы және оларды қолдану дағдылары бар маман болу. ҚазҰУ-дың қазіргі білімгерлері үшін мұнда тамаша перспективалар ашылады. Қазіргі жастар үшін бәріне қол жеткізуге болады. Ең бастысы - өзіңізге сеніп, кез-келген биіктікке жету.

Әл-Фараби атындағы Қазақ ұлттық университетін елімізде бірінші орынға итермелейтін нәрсе - студенттерге өздеріне қажетті білімді беруге шын ниеттенген мұғалімдер. Бұл университеттің жоғары деңгейіне сәйкес барлық мүмкіндіктерді қолдана отырып жасалады.

 

Әл-Фараби атындағы Қазақ Ұлттық Университеті
«Жалпы тіл білімі және еуропа тілдері» кафедрасының аға оқытушысы, PhD докторы Қойшығұлова Д. М.
Әл-Фараби атындағы Қазақ Ұлттық Университеті
«Шет тілі:екі шет тілі» мамандығының 1-курс магистранты Шегебаева Ғ. А.