Кітап
жеке
блог

Кітап

Ғасырлардан Ғасырларға,

Бірге жасап, асып алға.

Сарқылмаған, тартылмаған,

Ұлы мұра асыл арна.

Кітап, сенде ақын жыры,

Ойшылдардың асыл сыры.

Кітап, сенде қаттаулы тұр,

Адамзаттың шаттық мұңы.

Сондықтанда –сен асылсың,

Ақылшым, -сен жанашырым.

Мәңгі жаса, кітап мұра,

Шерткен сырын сан ғасырдың.

Сені оқыдым толқып, жаным,

Сезім сергіп таңырқадым.

Біліміңмен шөлін басқын,

Алда келер сан ұрпақтың.

        Сүлеймен Баязитов




Жұлдызды блогтар