жеке
блог

Мамандық таңдау- сіздің саналы түрде жасайтын таңдауыңыз

Мамандық таңдау кезінде мамандар келесі компоненттерді ескеруді ұсынады: «Мен істей аламын», «Мен қалаймын» және «Маған керек».

 

«Менің істей аламын». Бұл адамның белгілі бір кәсіби қызметті тез және сапалы орындау қабілетіне әсер ететін қағида.

 

«Мен қалаймын». Бұл ерте жастан көрінуі мүмкін жеке тұлғаның мүдделері мен бейімділігі. Мысалы, шығармашылық қабілеттер, технологияға қызығушылық немесе ұйымдастырушылық қабілеттер. Мұның бәрі жанға ұнайтын нәрсе.

 

«Маған керек». Бұл әлеуметтік тапсырыс, яғни қоғамның белгілі бір мамандықтағы адамдарға қажеттілігі. Бұл компонент елдегі саяси жағдайға, экономикалық дамуға, белгілі бір аймақтың технологиялық дамуына байланысты. Заман талабына сай, қоғам өміріне керек мамандық таңдаған жөн.

 

Адам барлық үш компонентті ескерген жағдайда өз таңдауына қанағаттанады. Кей жағдайларда "істей аламын" және "қалаймын" бір-біріне қайшы келеді. Мысалы, сіз жануарларды емдегіңіз келеді, сіз оларды жақсы көресіз, бірақ сіз оны жасай алмайсыз, өйткені сізде мысықтарға аллергия бар. Сондықтан бұл жағдайда физикалық және медициналық көрсеткіштерді де ескеру қажет.

 

Көбінесе оқушының өзі және оның отбасы мамандық таңдауда қателіктер жібереді:

-Отбасы талаптарды асыра бағалайды және баланы жоғары білікті мамандыққа (ғалым, директор, менеджер) бағыттайды.

-Көп жағдайда беделді емес мамандықтарға немқұрайлы қарайды.

-Мамандыққтың жалақысына мән береді.

-Достарымен бірге болуы үшін бірдей мамандық таңдайды.

-Таңдалған мамандық үшін олардың қабілеттері мен мүмкіндіктерін дұрыс бағаламайды.

 

Осы тұста, егер жасөспірімнің өз пікірі болмаса немесе ол өз еркімен шешім қабылдамаса, онда ол кәсіпті игере алмай қалуы мүмкін екендігін ескерген жөн.

Кей кезде, кішкентай кезінен бала музыкант болу керек деп жоспарлайды. Әр түрлі үйірмелерге жазып, конкурстарға жібереді. Әрқашан демеп, қолдап отырады. Одан кейін бала өзін-өзі жоғары бағалайды және ол міндетті түрде осы кәсіпті игеремін және өз ісінде ең үздік боламын деп ойлайды. Мұндай жағдайларда ата-аналар қызығушылықтар өзгеруі мүмкін екенін ұмытып, өз мақсаттарына жетуді жалғастырады. Сондықтан, оқушыға таңдау жасау одан да қиын болады, өйткені ол алдын-ала анықталған мамандыққа ғана мән беріп, басқа нұсқаларды қарастырмайды. Музыканың хобби болуы мүмкін екендігін сезінбейді.

 

Мамандық таңдауда қателіктерге жол бермеу үшін жоғарыда айтылған тармақтарға мән беріп, өзіңізге лайық мамандықтар тізімін жасаңыз. Бұл ретте, міндетті түрде сіздің мүдделеріңізді, қабілетіңізді, ойлау типіңізді ескеріңіз.

 

Ең бастысы - сіздің кәсіби таңдауыңыз бұл сіздің саналы түрде жасайтын таңдауыңыз, сондықтан ол міндетті түрде дұрыс болады. Соны есте сақтаңыз.

 

Аяулым ТІЛЕУҚАБЫЛ



Жұлдызды блогтар