жеке
блог

Мен саған есірткі жайлы айтып беремін

Бүгінгі  таңда жасыратыны жоқ  бізді  қоршаған  ортамызды  жаман  әдетті  аурулар  қаптап  кетті. Олар есірткіге әуес болу, ішімдікке  салыну  сияқты жаман әдеттерді  айта  аламыз.  Соның  ішінде,  жастар  арасында  нашақорлық  әдеті  өте  көп  тарап  кетті.  Бұған  біз  кімді  кінәлаймыз? Бұл  сұраққа  жауап  іздеу  де  қиын.

   Нашақорлыққа  көбінесе, жасөспірімдер  шалдығады, алайда  осы  кезде  ересектер  арасында  да  есірткінің  зиянын  шегіп  жүрген  адамдар  көбейіп  барады. Нашақор  қаражатты  ұрлықпен  табуды  көздейді, ал  ұрлық  жазасыз  болмайды. Нашақор  ата-анасы  ауқатты  жасөспірімдерді   есірткімен  әуестендіруге, соның  арқасында  өзінің  қамын ойлауды  мақсат  етеді. Нашақордың  жасөспірімдер  тобына  қосылуының  себебі  де  сол. Ол  алдымен  наша  шегуді  немесе  ес   ауыстыратын  дәрі  ішуді  ұсынады,  жастар еліктеп,  дәм  тата  бастайды. Бара-бара  жасөспірімдер  нашақорға, есірткінің  құлына  айналады.

 Бұрын  жасөспірімдер  әр  түрлі  желімдер  иіскейтін  болса, қазір  героин, какоин сияқты түрлі синтетикалық   есірткілерді  қолданады. Ал  синтетикалық  есірткінің  ерекшелігі  сол, бір  дәмін  татқаннан  кейін  есі  ауады  да  тұрады. Бір  пайдалансаң,  жайың  жай  табады, керемет  күйге  түсесің  деп  алдайды. Аз  уақытқа  болса  да  ләззат  алғанына  мәз  болып, нашақор  санатына  қосылғанын  білмей  қалады.     

    Нашақорлықты  басқаша  «мидың  қатерлі  рагі» деу  керек. Егер  ол  асқынып  кетсе  дағдарысқа  ұшырайды. Онда «мен» деген  нәрсе  болмайды, «әке  шешем  мен  үшін  жүгіріп  жүр ау, ертең  ел – жұртқа  қалай  қараймын», яғни  болашағына  есеп бермейді. Мақсаты  тек  біреу – «қайда  бар, кімде  бар, қалай  ақша  тапсам, қалай  алсам!» деп, есірткіні  ойлаумен  болады. Тіршіліктің  бар  мәні  осы  ғана деп  түсінеді.

        Жалпы нашақорлықтың адам өміріне тигізер әсері өзімізге белгілі. Онымен айналысқаннан кейін бұзақылық жасау, қорлық көрсету істеріне итермелейді. Адам денесі қалжырап, көзі бұлдырап, өмірге не үшін келгені, не үшін жүргені беймәлім болады.

         Адам баласын бойында өзін-өзі сақтандыратын қасиеттер болады. Соны дұрыс пайдаланған жөн. Әйтпесе нашаға елігіп, бір сәттік рахат сезімге алданып, соның зардабын өмір бойы тартуы мүмкін. Ондаймен айналысқанда 30-жасқа  жетер-жетпес  өмір  сүреді,  бұлай дейтін  себебіміз, бұл  жаман  нәрсеге  адамдар  ақылға  салмастан, желігіп  еліктейді  де, артынан  өзіне  қиын  болатынын  білмей  де  қалады.

    Жас жеткіншек!. Зиянды әркеттерден аулақ болып, өз бойымызды таза ұстаған абзал. Сіз өзіңізді-өзіңіз құрметтеуге тиіссіз Адам өмірге бір-ақ рет келеді. Сондықтан өз өміріміздің өз қолымызда екенінін жадымызда ұстай отырып, денсаулығымызды шынықтыру мақсатында спортпен айналысып, тәуелсіз елімнің іргетасын қалайтын мықты азамат болуымыз керек деп ойлаймын!

#УПНДПКЗО

 

 

Жұлдызды блогтар