Әл-Фараби атындағы Қазақ ұлттық университетінің жетістіктері

Әл-Фараби атындағы Қазақ ұлттық университетінің жетістіктері
жеке
блог

Әл-Фараби атындағы Қазақ ұлттық университеті - Қазақстандағы көшбасшы болып табылатын алдыңғы қатарлы ірі оқу орны.

Әл-Фараби атындағы Қазақ ұлттық университеті өзінің жоғары бәсекеге қабілеттілігін әлемдік ғылыми және білім беру кеңістігінде жыл сайынғы көптеген жетістіктерімен дәлелдеп келеді. Оның бірі Round University Ranking пәндік рейтингінде ұсынылған жалғыз қазақстандық университет болуын мысал ретінде келтіруге болады. Сонымен қатар, «Times Higher Education» (THE) беделді әлемдік рейтингінде университет 201-250 дамушы елдердің үздік университеттер тобына кіреді. Бұл рейтинг ғылыми және білім беру қызметінің тиімділігі, профессорлық-оқытушылық құрамның деңгейі және жүргізіліп жатқан зерттеулер, ғылыми жарияланымдар саны және ғылыми мақалалардың дәйексөз индексі, халықаралық ынтымақтастық көрсеткіштері сияқты көрсеткіштерді ескереді.

Әл-Фараби атындағы ҚазҰУ QS жаһандық рейтингінде 165-ші орынға көтеріліп, керемет жаңалық жасады. Осылайша, жетекші қазақстандық университет Елбасы Н.Ә.Назарбаевтың алға қойған және Қазақстан Республикасының білім беруді және ғылымды дамытудың мемлекеттік бағдарламасында 2020 жылға дейін әлемнің ең үздік 200 жоғары оқу орындарының қатарына кем дегенде екі қазақстандық ЖОО-ға кіру туралы тапсырманы сәтті орындады. ҚазҰУ өзінің әлемдік ғылыми және білім беру кеңістігінде жоғары деңгейге сәйкестігін растады.

Майкрософт компаниясы ҚазҰУ-дың сандық даму моделін ең жақсы тәжірибелердің бірі деп таныды. Университетте әлемге әйгілі жоғары технологиялық корпорациялардың ғылыми-білім беру орталықтары ашылды, «идея тудырудан оны коммерциялауға дейін» ғылыми-технологиялық дәліз құрылды. Оны тиімді пайдалану ҚазҰУ-ға бес жыл ішінде ғылыми жобалар көлемін 2,5 еседен астам арттыруға мүмкіндік берді. Қазақстандық авторлардың халықаралық рейтингтік ғылыми журналдардағы әрбір бесінші басылымы ҚазҰУ ғалымдарына тиесілі.

Әл-Фараби атындағы Қазақ ұлттық университетінің ең жоғарғы деңгейлі жетістіктерінің бірі БҰҰ-ның тұрақты дамуға академиялық әсер етуінің жаһандық хабы ретінде ҚазҰУ Нью-Йорктегі БҰҰ-ның штаб-пәтерінде таныстырылған және халықаралық деңгейде кеңінен таратуға ұсынылған жаңа буын университеті - Университет 4.0 моделін жасап шығарды. ҚазҰУ 12 шет елде әл-Фараби орталықтарын құруын ерекше атап өткен жөн.