Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / "Балуан Шолақ" фильмі көрерменге жол тартты

"Балуан Шолақ" фильмі көрерменге жол тартты

"Қазығұрт" киностудиясы қазақтың халық композиторы, күш өнерін көрсеткен спортшысы, жауырыны жерге тимеген балуаны, ұлт қайраткері Балуан Шолақтың өмір жолы туралы фильм түсірді. Аталмыш фильмнің премьерасы күні кеше Алматы қаласындағы "Chaplin" кинотеатрында болып өтті. Ұлт тарихындағы ірі тұлғаның өмірін суреттейтін фильмнің тұсаукесеріне көпшілік молынан жиналды.

Түсірілім алаңынан

Отандық туындыдан алған алғашқы әсер - қазақ ұлтына деген мақтаныш сезімі. Фильм аяқталысымен, Балуан Шолақ - қандай батыл, нағыз ержүрек, ұлтының жанашыры деген теңеулер бірінен соң бірі пайда бола берді. Балуан Шолақтай нар тұлғалы ел азаматының болуы - халықтың, ұлттың бағы деп білуге болады.

Түсірілім алаңынан

 Картинада патша үкіметінің озбыр саясаты, қазақ ұлтының езгіге ұшырауы айқын көрсетіледі. Сонымен қатар, бас кейіпкердің ержүректігі, адамгершілігі, батырлығы, алып күш иесі екендігі толық ашылған.

Актерлер де өте шебер ойнаған. Әсіресе, басты рөлді сомдаған белгілі актер Еркебұлан Дайыров өзінің кәсіби шеберлігін көрерменге тағы да бір дәлелдеді. Қазақи бет-пішіні, болмысы, сөйлеу мәнері батыр бабамыздың тұлғасын тірілткендей әсер қалдыртты. Жалпы, актерлік құрам кәсіби сомдап шықты деп көрермен ретінде жоғары баға бергім келеді.

Түсірілім алаңынан

Атап өтетін жайт, көгілдір экран мен бұқаралық ақпарат құралдарында тыс қалатын, үлкен еңбектің нағыз иелері – олар - осындай әсерлі туындыны түсірген кәсіби мамандар тобы.

НАЗАР АУДАРЫҢЫЗ! «Балуан Шолақ» фильмінің режиссері - Нұргелді Садығұлов және түсірілім жұмысының көп қырына жауапты, екінші режиссер – Самат Әлім.

Түсірілім алаңынан тысқары жүретін біздерге бұл жұмыстың қиындығы білінбесі мүмкін. Бірақ, фильмдегі әр қимыл, әр іс-әрекет, айтылған сөз, эмоция, табиғат, тіпті ауа-райының қайсы ыңғайлы болатынын алдын-ала ойластырып қоятын, әр құбылысты бақылауда ұстап отыратын – ҮЛКЕН ЕҢБЕК – осы азаматтардың жұмысы.

Түсірілім алаңынан

Рухты бабалардың ұрпағы екеніңді сезіндіретін, намысыңды оятып, ұлтыңа деген сүйіспеншілік сезімін тереңдете түсетін бұл тамаша дүние үшін «Қазығұрт» киностудиясына - мың алғыс!

Халық өз бағасын беріп, алғысын білдіріп жатыр. Бірақ та, осы еңбек отандық киноиндустрия саласында еленсе екен деген тілек бар. Нұргелді Садығұлов, Самат Әлім сынды талантты режиссерлерге мемлекетіміз қолдау көрсетсе, еңбектерін бағаласа, нұр үстіне нұр болар еді..

Түсірілім алаңынан

 

Фото brod.kz сайтынан алынған.

0
Рейтинг: +0

Автор: Serikqyzy
Жазылған уақыты: 17 сәуір, 17:11
Тегтер: Балуан Шолақ фильмі, "Қазығұрт" киностудиясы, Нұргелді Садығұлов, Самат Әлім

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.