Облыстық «АРАЙ-2018» жас эстрада әншілері және мәдени іс-шара жүргізушілерінің байқауына шақырамыз!

Оңтүстік Қазақстан облыстық мəдениет басқармасы, облыстық мəдениет жəне халық шығармашылығы орталығының ұйымдастыруымен Елбасы Н.Ə.Назарбаевтың «Болашаққа бағдар: рухани жаңғыру» мақаласын насихаттай отырып Астананың 20 жылдығына орай облыстық «Арай-2018» жас эстрада әншілері және мәдени іс-шара жүргізушілері байқауы өтетінін хабарлаймыз!

Байқаудың мақсаты - жастарды отансүйгіштікке баулу, ұлттық рухта тәрбиелеу және эстрадалық ән орындау өнерін дамыту, жаңа эстрадалық әндерді халық арасында кеңінен насихаттап жас талант иелерін және облыстағы мәдени іс-шара жүргізушілерін анықтау, республикалық, халықаралық байқауларға қатысуын қамтамасыз ете отырып оларға қолдау көрсету болып табылады.

 

БАЙҚАУДЫҢ ШАРТТАРЫ МЕН ТАЛАПТАРЫ

 

Әншілер үшін:

І. Аудан қалаларға арнайы тәлімгерлер бекітіледі.

ІІ. Тәлімгер таңдауымен байқаудың І-ші іріктеу кезеңінен өткен 2 үміткер Оңтүстік Қазақстан облысының аудан, қалаларындағы мәдениет және тілдерді дамыту бөлімдерінің тиісті жолдамасымен байқаудың ІІ-ші кезеңіне қатысады. 

Шымкент қаласы үшін І-ші іріктеуден өткен 8 үміткер жоғары, арнаулы оқу орындарының тиісті жолдамасымен қатыса алады.

Үміткерлердің жасы 16 мен 25 жас аралығында болуы тиіс.

Байқауда 2 ән орындалады.

І кезеңде - Елорда -Астана қаласына арналған әндер;

ІІ кезеңде – Қазақстан композитрларының әндері орындалуы шарт.

 

Мәдени іс-шара жүргізушілері үшін:

І. Тәлімгер таңдауымен байқаудың І-ші іріктеу кезеңінен өткен 2 үміткер Оңтүстік Қазақстан облысының аудан, қалаларындағы мәдениет және тілдерді дамыту бөлімдерінің тиісті жолдамасымен байқаудың ІІ-ші кезеңіне қатысады. 

Шымкент қаласы үшін І-ші іріктеуден өткен 6 үміткер жоғары, арнаулы оқу орындарының тиісті жолдамасымен қатыса алады.

Үміткерлердің жасы 16 мен 25 жас аралығында болуы тиіс.

Іріктеу кезеңіне қатысатын үміткерлерге берілетін тапсырмалар:

- «Тіл мәдениеті» тапсырмасы (белгілі жазушы, ақын, драматургтардың шығармаларынан үзінділер, монолог, әзіл әңгімелер, өлеңдер оқу. (Берілетін уақыт 2 минут);

- Ситуациялық сұраққа жауап беру (Берілетін уақыт1 минут);

- «Үй тапсырмасы» (өзінің қалауы бойынша алдын-ала дайындаған түрлі іс-шаралар, байқау, фестивальдердің сценарииі бойынша жүргізуі. (Берілетін уақыт 2 минут).

Байқаудың ақтық кезеңіне жеткен үміткерлер облыстық «Арай-2018» жас эстрада әншілерінің байқауын жүргізетін болады.

Аудан, қалалардағы үміткерлер өз өтінімдері мен құжаттарын ағымдағы жылдың 30 қаңтарына дейін тапсыруы тиіс.

Келіңіз, қатысыңыз!

2018 жылдың жеңімпазы атаныңыз!