2017 жылдың 13 желтоқсанында Атырау қаласының Облыстық Халық шығармашылық Орталық концерт залында "Ән-жырым саған Астанам!" атты фестиваль болып өтті. Бұл фестиваль Елордамыз Астананың Алматыдан Астанаға ауыстырылуына 20 жыл толғанына байланысты облыстық патриоттық деңгейінде ұйымдастырылды. Іс-шараның қадірменді қонақтарының бірі Атырау облысының ғылыми-әдістемелік халық шығармашылығы мен мәдени демалыс қызметтерін ұйымдастыру орталығының басшысы Бақытбек Мырзағалиұлы Сартбаев болды. Фестивальге Құрманғазы, Қызылқоға, Индер, Жылыой, Исатай аудандарынан талантты әншілер келіп өнер көрсетті. Қазақтың ұлттық патриоттық рух оятатын әуендерімен бірге армиян халқының да әні шырқалды.
Бұл шараны ұйымдастырудағы басты мақсат өскелең ұрпақтың еліне, туған жеріне, елордасы Астанасына деген махаббатын оятып, қастерлеуге, қорғауға, нағыз ұлтшыл болуға тәрбиелеу.
Сонымен қатар Қазақстан Республикасының мемлекет сыйлығының лауреаты Талғат Күзембаев пен Қазақстан Республикасының еңбек сіңірген қайраткері Болат Бөкентаев та сахна төрінде ән шырқап, отшашу және естелік суретпен аяқталды.
Алипова Жаннұр
9 сынып