Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Кінәлаған күндерімді кешір, Көке!

Кінәлаған күндерімді кешір, Көке!

Кінәлаған күндерімді кешір, Көке!

Көке, сен маған жиі ұрсатынсың. «Қызым» деп айтып көрген емессің. Ешқашан еміреніп, еркелетпедің. Кәмшат бірдеңе бүлдірсе де, маған ұрсасың. Екеуміз егіз қозыдай бірдей етіп киім алғанда Кәмшатқа сөйлемейсің де, қысқа шорты кигенім үшін маған ұрсатынсың. Мектеп бітіргенше «вечерге» жібермедің. Көп жағдайда пікіріміз бір жерден шықпайды.

Сенің қас-қабағыңа қарап жүріп-тұратынмын. Сен ұйықтап жатқанда балалар шуласа да, маған ұрсатыныңды біліп, іні-сіңлілерімнің дыбысын шығармай, ұйқыңды да бағатынмын. «Жұрттың папалары» қыздарын, шөпілдетіп сүйіп, айтқан затын алып береді, менің әкем неге сонша қатал деп ойлайтынмын. Мектептегі ата-аналар жиналысына басқа балалардың әкесі келгенде қатты қызығушы едім. Мен мектеп бітіріп жатқанда сенің сыныптастарыңның өзі үйге келіп, қандай оқуға тапсырасың деп алаңдап, «өз күшімен грантқа түскен бала бүгінгінің Әлиясы мен Мәншүгі» деп қолдап жататын. Сен сонда да бас қатырмайсың. Мен балаларына сонша жаны ашымайтын, алаңдамайтын әке бола ма деп налитын едім. Мұқағали Мақатаевтың портретін бөлмемнің төріне іліп қойып, балажандығына тәнті болып, әкемнен артықсың деп сырласушы едім. Асылық айтыппын-ау... Біреудің әкесі өз әкеңнен артық болушы ма еді?!

Оқуға тапсырар кезімде алаңдамағаның – сенім білдіргенің екен-ау. Менің өмірімде үлкен белестей көрінгенімен, сен үшін әдеттегі өткелдей болған екен ғой. Сенің одан да басқа бас қатыратын ірі істерің көп, ұсақ-түйекті уайымдауды анама қалдырған екенсің.

Бауырларым үшін маған ұрсуыңның себебін де енді түсіндім. Арбаның алдыңғы дөңгелегі қалай жүрсе, соңғылары да солай дөңгелейді деп, бар тәліміңді маған беріп, кейінгі балаларға мейлінше мейірімді болуға тырысқан екенсің. Жақсы көріп тұрсаң да, эмоцияңды, сезіміңді сыртқа шығармайтын бар болмысың осы.

Ал еркелетпеуіңнің себебін ертерек білсем ше?! 1-2 жыл бұрын ғана айтып қалдың. Барлығы аузына қарап отырған үлкен апама барып, мәз болып алғаш «қызды болдым» деп сүйінші сұрағаныңда: «Тәйт әрі, саған қыз қайда, ол ата-әжесінің қызы» деп, ұрсып, тауыңды қайтарып тастапты. Өзің ол кезде 19 жастағы баласың, балалы болдым дегеніңді үлкен апа қабылдай алмаған шығар. Әрі тұңғыш немере ата-әжесінің тәрбиесіне берілетін жақсы дәстүріміз бар ғой.

Есесіне, еркеліктен де, мейірімнен де кенде болған жоқпын. Ата-әжем, анам, оған қосылып сен еркелетіп өсірген болсаң, жоқ деген ұғымды, тыйымды көрмей тәрбиеленсем «жұрттың қыздары» сияқты «ардан» айырылып отырар ма едім, сақтай көрсін.

Әр қадамымды аңдап басуым – сенен көрген қатал тәрбиенің арқасы.

Мақтанып көрсететін үздік диплом алмасаң да, қолың қалт еткенде кітап ұстауың – маған үлгі. Әр сұрағыма ерінбестен бүге-шүгесіне дейін жауап тауып бересің.

Мен өзімді анама тартқан кез келгенмен тіл табысатын ақжарқын адам деп есептейтінмін. Білесің бе, бір күні біреу «сен өте суықсың, тәкаппарсың, паңсың» деп төбемнен жай түскендей етті. Сырт көзге сондай суық көрінеді екенмін. Мұндай қасиет қайдан пайда болды, қалай күресемін деп біраз ойландым. Ол да сенен келген екен ғой. Иә, тура сен. Қарсы алдыңда сөйлеп отырған адамның бет-жүзіне қарамай, «мен сені түк жақтырмай отырмын» деп тарс еткізесің ғой. Біреудің сыртынан сөйлеп, ұнатпасаң да өтірік күлгенше, осындай туралық артық емес пе?! Әпкелерім біреуді әңгімелей бастаса «өсек айтпай, шаруаларыңа қараңдар» деп ішіп отырған шайыңды тастап тұрып кететінің де мені «әйелдік жағымсыз қасиеттерден» аулақ етіп өсіргендей. «Әкеңді ешкімге жамандаушы болма» деп құлағыма құйып келе жатқан сөзі анам екеуіңнің араларыңдағы ұят пен ибаға толы махаббат екен-ау. Қатар құрбымдай боп кеткен анама кейде қалжыңдап, «мұндай жігітті қалай таңдадың» деуші едім...

Білесің бе, қазір күйеу балаң сен сияқты болса ғой деймін. Бала-шағасына, әйеліне сөзі өтпейтін бос-болбыр ер адамдарды жек көремін.

Бұл жазғанымды сен оқып қойма, жарай ма? Саған күйеу бала туралы айту қайда-а. Үйде жігіт деген сөзді айтуға ұялатын тұңғыш қызың ғой жазып отырған. Ата-анасымен тіл табыса алмайтын жасөспірім балалар болса, жақсы жағын іздеп, әкесін түсінуге тырысып көрсін деген ниетпен ғана жазып отырмын.

10
Рейтинг: +14

Жазылған уақыты: 02 тамыз 2017, 16:06
Тегтер: Көке, әке, ата-ана, түсініспеу, Әсел Асанова
Пікірлер
+1
03 тамыз 2017, 00:41

Иә шынында әр нәрседен жақсылық іздеп, түсінуге тырысу керек екен..
Өмір болғасын бәрі болады

+1
04 тамыз 2017, 15:43

Тамаша жазба! Әкең осыны оқыса екен деп тілеймін.

+0
25 тамыз 2017, 10:39

Оқыған екен. Тек мамаға бағыттап бір сөз айтыпты, басқа үндемей қойыпты..)

+0
23 қараша 2017, 17:32

керемет!!!!

+1
14 ақпан, 00:16

Маган сиздин макалаларыныз катты унап калды)))
Енди сиздин окырманыныз боламын хехe)))

+0
14 ақпан, 09:56

Рақмет. @assel_assanova Инстаграмдағы осы аккаунтта жиі жариялап тұрамын жазбаларымды, осы жерден де оқысаңыз болады.

+1
14 ақпан, 16:16

керемет, сөзім жоқ

+0
14 ақпан, 18:31

Ата-ана туралы мақалалар өте жақсы әсер етеді.

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.