Жамбыл облыс аумағында мемлекеттік қызметшілердің жалпы штат саны 5145 бірлікті құраса, мемлекеттік қызметші ретінде 4818 адам жұмыс жасайды. Жалпы облыста мемлекеттік саяси қызмет лауазымдар 6, «А» корпусы бойынша 17, ал «Б» корпусының мемлекеттік әкімшілік қызмет лауазымы бойынша 5122 штат бар. Аймақтағы мемлекеттік қызметшілердің 46,7 пайызы әйелдер. 2016 жылдың басынан мемлекеттік қызметшілерге қойылатын жаңа біліктілік талаптарын жоғарылату нәтижесінде жоғары білімі бар қызметшілердің үлесі 87,5 пайыздан 89,4 пайызға дейін артқан.