Сымбаты бөлек, сырлы әлем

Сымбаты бөлек, сырлы әлем
жеке
блог

        Ғабит Мүсірепов атындағы қазақ мемлекеттік академиялық балалар мен жасөспірімдер театры

 

                                             Арда өнердің алтын қазығы – театр.

   

      Жетпіс жылда жемісі жерге иілген жеміс ағашы сияқты, тағдырына тағзым жасап тұрған театрдың иесі мен киесі, ол – өз тарихының өне бойында өміршең қалпын сақтап қалатын қасиетінде.

      Уақыт озбайды. Біз уақыттан озамыз. Актерлар да, театр тізгнін ұстаған азаматтар да театр тарихының бір-бір парағы боп қалар...

       Ал, театр өнері – мәңгілік елдің мәңгілік мәртебесіне айналып, Тегеурінді мемлекеттің рухани темірқазығы болып тұрары ХАҚ!

 

        Қазақстан Республикасы Тәуелсіздігінің 25 жылдығы мен театрдың 70 жылдық тарихына арналған драматург-авторлар, театртанушы, өнертанушы ғалымдардың қатысуымен «Жастар театрының бүгіні мен болашағы» атты Республикалық ғылыми-танымдық конференция өтті.

         Іс-шараның келесі бөлімі республикалық және жергілікті БАҚ өкілдерінің қатысуымен Пресс-конференцияға жалғасты.

         Пресс-конференциядан соң, қонақтарға Қазақстан Республикасы Тәуелсіздігінің 25 жылдығы мен театрдың 70 жылдығына арнайы жасақталған музей-көрмелерді, «Кейіпкерлер» галериясы (перформанс ) таныстырылды.

        Мерей тойлық іс-шара «Тәуелсіздік-тұғырым, театр-менің ғұмырым» атты театрландырылған концерттік, салтанатты кешпен жалғасты.

        Алғашқы құттықтау сөзін ҚР Мемлекеттік хатшысы Әбдіқалықова Гүлшара Наушақызының атынан – ҚР Мәдениет және спорт вице-министері Райымқұлова Ақтоты Рахметоллақызы жеткізді.

        Сонымен қатар, Ғ.Мүсірепов атындағы Қазақ мемлекеттік академиялық балалар мен жасөспірімдер театр ұжымын М.Әуезов атындағы Қазақ Мемлекеттік академиялық драма театрының, М.Лермонтов атындағы Мемлекеттік академиялық орыс драма театрының, Н.Сац атындағы Мемлекеттік академиялық орыс балалар мен жасөспірімдер театрының және т.б театрлардың басшылары құттықтады.

         Театрландырылған-концерттік бағдарламада театрдың құрылуынан бастап бүгінге дейінгі сәттерді қамтыған тарихи фильмнен үзінді көрсетілді. Салтанатты кештің бағдарламасында театрдың барлық жанрлары қамтылған қойылымдар ұсынылды. Барлық қойылымдарды театрдың бүгінгі артистері мен бұрын осында осы театрда қызмет етіп, бүгінде еліміздің мақтаныштарына айналған актер-актрисалар орындады.

         ҚР Тәуелсіздігінің 25 жылдығы мен Ғ.Мүсірепов атындағы Қазақ мемлекеттік академиялық балалар мен дасөспірімдер театрының 70 жылдығына арналған мерекелік іс-шара мәртебелі көрерменнің қошеметімен аяқталды.

 

                                                                                                                     Гүлбаршын Думан