жеке
блог

Массагет порталына түйіндеме қабылдау тоқтады

Massaget.kz порталы редакциядағы екі бос орынға байқау жариялап, жас тілшілерді жұмысқа шақырған болатын. Бүгін жұмысқа тілек білдірушілерден түйіндеме қабылдау ресми түрде тоқтатылды.

Негізінен ниет білдірушілер эссе мен түйіндемені 9 тамызға дейін жолдауы керек еді. Алайда, сайт редакциясы жас тілшілердің "тағы біраз уақыт қоссаңыздар" деген талап-тілегін ескеріп, түйіндеме қабылдау уақытын 12 тамыз (бүгін) сағат 12:00-ге дейін созған болатын. Енді, міне, межелеген мерзімге келіп жеткен соң, жұмысқа тілек білдірушілерден түйіндеме қабылдау ресми түрде тоқтатылды.

Сайтымызға 40-тан аса жас тілшіден түйіндеме келіп түсті. Енді тілек білдірушілер жолдаған түйіндеме мен эссенің негізінде екінші кезеңге өтетін тілшілер іріктеледі. Сайт редакциясы соңғы келіп түскен жұмыстарды қарап жатыр. Бүгін кешке немесе ертең түске дейін үміткерлерге келесі кезеңге өткені не өте алмағаны жайлы хабар береміз. Уақыты мен мекен-жайы жайлы да ақпарат беріледі. Қаласаңыз, тіпті, артықшылығыңыз бен кемшілігіңіз, қай жерден ұтып, қай жерден сүрінгеніңіз туралы да тәптіштеп түсіндіруге дайынбыз. Себебі, бүгін сізді байқаудан сүріндірген кемшілігіңіз ертең де ірі жетістікке қол жеткізуге кедергі болары анық. Сондықтан, Массагет порталы өзіңізді сыртыңыздан танып, шыңдалуыңызға да көмектеседі. 

Ал 2-кезеңде үміткерлер не істейді?

2-кезеңде іріктелген қатысушылар 3-кезеңге өтуі үшін редакцияға келеді. Қатысушының полиглоттық білімін тексеру мақсатында 2 арнайы тапсырма беріледі. Бұл кезеңде тілшінің ақпаратты жеткізе алуы, ізденімпаздығы мен жауапкершілігі басты назарда болады. 

Ендеше, баршаңызға сәттілік тілеймін! Үміткерлерге айтарым, түйіндемеде көрсетілген телефон нөміріңіз қосулы болсын. 

Қосымша ақпарат алу үшін 8 701 455 10 93, 8 702 244 84 14 нөмірлеріне хабарласа аласыздар.

Бөлісу:
Пікір қалдыру үшін сайтқа кіріңіз
Өзгерту



ЕҢ ҚЫЗЫҚТЫ БЛОГТАР

«Тәртіпке бағынған ел құл болмайды».
Жайлауға атпен бардық // Екіаша, Көкбұлақ, Шет Меркі, Орта Меркі
Абайдың ғылым-білім туралы ойларының маңызы
Шет Меркі өзені, Тоғызбұлақ ауылының тамаша табиғаты
Шетелдегі қазақ полицей "Әлем батыры" атанды
«Тар заман» туындысында кездесетін афоризмдер

Жұлдызды блогтар

Жайлауға атпен бардық // Екіаша, Көкбұлақ, Шет Меркі, Орта Меркі
Жайлауға атпен бардық // Екіаша, Көкбұлақ, Шет Меркі, Орта Меркі
Шет Меркі өзені, Тоғызбұлақ ауылының тамаша табиғаты
Шет Меркі өзені, Тоғызбұлақ ауылының тамаша табиғаты
Ораза айының өңірлер бойынша кестесі
Ораза айының өңірлер бойынша кестесі