ЖЕТІСУ

           Жетісу

Жер таппан Жетісудай жер жаннаты,

Баршаға қоныс болған кең даласы

Байлық пен сұлулықты қоса берген,

Алланың құдіретіне сен қарашы.

Жеті өзен баурайында асып – тасқан,

Теңізі тербетіліп, толқын атқан

Тауында тау ешкісі ойнақтаса,

Түлкісі тоғайында бұлаң қаққан.

Тау менен таласып тұр қарағайы,

Сай – сайды бұғы, марал аралайды

Осындай табиғаттың сұлулығын,

Жырламау ақын жанға жарамайды

Гүлденіп, жайнай берсін Жетісуым,

Маған ыстық әрбір тас, орман – нуың

Керемет көк теңізде ән салғандай,

Үйрек – қаз, шағала мен аппақ қуың.

Асқақтап ұшар шыңы шарықтаған,

Көгінде қыран бүркіт қалықтаған

Дүниені жеті айналып шықсамдағы,

Жер таппайм Жетісудай анық маған!

Жансая ҚАБДЕН