Лабиринт артта қалды, бірақ одан аман шыққандарды тағы да сынақ күтіп тұр. Осы жарысты ұйымдастырған ұйым жасөспірімдерді ыстық шөлге жібереді.
Киноға 8 балл қойғаным, киноның сапасы мен актерлардың ойыны тамаша болды. Бірінші бөлімі мағынасы жағынан жақсырақ болған.
Ұнамағаны: 1. Зомбилер темасы кәдімгідей жалықтырды. Жалпы кино өндірісіне басқа тақырып ойлап тапса дұрыс болатын сияқты. Білмеймін, мүмкін адамның бас формасының өзгеріп, ауытқушылықтар пайда болса.))
2. Киноның мағынасында "Аштық ойындарына" ұқсастық байқадым. Ол жерде де біреулердің ойыны, солардан құтылуға тырысқан адамдар.
Ұнағаны: 1. Кино өте сапалы, эффект, дауыс, музыка жақсы таңдалған. 2. Актерлар құрамы ұнады, жас адамдардың ойыны жақсы шыққан. 3. "Осындай заман туа қалса өмір шынымен қандай болады" деген ой тудыра алды. 4. Роза Салазар. Өте керемет ойнады.
Жалпы киноға берер бағам 8, бір емес 2-3 рет көруге болады. Айтпақшы, Алматыда болсаңыз Достық плазадағы лабиринт столдарда өз бағыңызды сынап көріңіз дер едім, керемет.