Таңертеңгісін ерте тұруға қиналатындар үшін 8 кеңес

Таңертеңгісін ерте тұруға қиналатындар үшін 8 кеңес
жеке
блог
     Қылышын сүйретіп қыс келе жатыр. Дала ақ көрпеге оранып, ерекше күйге бөлейді емес пе? Дәл осы мезгілде жұмысы, сабағы ерте басталатын адамдарға таңертеңгісін ояну қиынға соғатыны ақиқат. Суық күнде жылы көрпенің ішінде маужырап жата бергенге не жетсін...

    Жоғарыда аталған себептермен жұмыстан яки сабақтарынан қалып жүрген жастарға біраз кеңестермен бөлісуді ұйғардым. Бұл ережелерді сақтанып жүрсеңіз төсегіңізбен тез қоштасып, күні бойы көтеріңкі көңіл күй мен күш-қуатқа толы боласыз.

1. Түскі асқа берілген үзілісті пайдаланып біраз таза ауада серуендеңіз. Себебі ол дұрыс ұйқы мен тез ояна білуге зор септігін тигізеді.

2. Кешкі сағат 20:00-ден кейін теледидар көрмеуге тырысыңыз. Себебі, теледидардан бөлінетін ультракүлгін сәулелер мен көгілдір түс адамның ұйқы бездеріне әсер ететін мелонин деп аталатын ферментті жойып жіберу қасиетіне ие.

3.Ұйықтар алдында өзіңізге өте дәмді бір тағам түрін даярлап, таң ертеңгі асқа қойып қойыңыз. Ертең ерте тұрып соны жеймін деген ниетпен сіз діттеген уақытыңызда ояна аласыз. Қарапайым тамақтың өзі ерте тұруға стимул бола алады.

4.Терезені ұйықтар алдында сәл ашып жатыңыз. Себебі адам ұйықтап жатқанда көмірқышқыл газын көп мөлшерде бөліп шығарады.Сондықтан да көп жағдайда дамдардың ұйқысы қана бермейді, көбінесе шаршаңқы келеді. Бұл жағдайды болдырмау үшін бөлменің ауасын тазартып тұрған дұрыс.

5.Будильнигіңізді төсегіңізден алыс жерге қойыңыз. Оны өшіру мақсатында орныңыздан тұрасыз, нәтижесінде жұмысыңыздан кешікпейсіз.

6.Ояна салған сәтте бөлмеде жарықты жағыңыз. Себебі жарық адамның ұйқы безінде бөлінетін мелонин ферментінің үздіксіз бөлінуін тежейді.

7.Ояна салған сәтте терезеңізді ашып, тереңінен тыныс алыңыз. Мейлі, суық болсын, аяз болсын. Есесіне бойыңыздағы қанайналым жақсарады.

8.Тағы жарты сағат жата тұрайын деген ойдан арылыңыз. Уақытылы тұрып, уақытылы жатып ұйықтау адам организмін бірқалыпқа келтіреді. Денсаулығыңыз да жақсара түседі. Соның арқасында түрлі жүйке ауруларының алдын аласыз.

Іске сәт ең бастысы дендеріңіз сау болсын! Қамшының сабындай қысқа ғана ғұмырда барлығына үлгерейік, достар!

Сания Бақытқызы