Мұнда аспан жерге жақын

Мұнда аспан жерге жақын
жеке
блог

Әкем, тәте, ініме келіп, еркелеп, демалып жатырмын...

Ауылым осылай қарсы алды. Анау сол жақ шетте ағараңдап, сегіз жасар інім айтпақшы, "аппақ тастар" - ауылым.

вапв

Жаңбырымен "жылап" қауыштық.

кацу

Ертесі күн ашық болды.

кацук

Сосын осылай өзгерді. Анау көк аспан көрініп тұрған жақ қырғыз елі. Бізде жаңбыр ақ жауын, өткінші және "таумен кететін" деп бөлінеді. Яғни, таумен кететіні ауылға "кірмейді. Мынау "таумен кететіні".

укацу

Жаңа ғана жаңбыр жауды деп кім айтады?

цуауц

Ертесі.

кеуке

Үйдің айналасында қайыңдар көпппп.

кауц

Қурап жатқандары да бар. Әкем қимады, сірә, әлі шаппапты. Солай ұқтым.

цуцук\

Өмір үшін күрес! Қураған қайыңның төменгі жағынан "тіршілік" көрдім!

ауке

Ал, мына сүгіретті жүктеп алып, сәл кішірейтін қарап көріңізші? Адамның бейнесін: көзін, мұрнын, аузын көресіз. Мен көрдім. Көрсеңіз, айтарсыз.

уацу

Будақ бұлтқа мініп алып, қалықтаса аспанда, шіркін...упук

Құрт жеп, қымыз ішіп...)

упук

Мың құбылады шіркінің!

кукпук

Сиыр сауып бітіп, анааау бұлтты көре сала, есік алдындағы дөңге "ұштым". Ұшқаныма тұрады, ә?) Айтпақшы, шоқы-шоқы тауларды санай алдыңыз ба? Соңғылары аса байқалмайды, "отырып кеткен". Барлығы тоғыз тау. Кезінде сол тоғызынан тоғыз бұлақ ағыпты. Сондықтан да, Тоғызбұлақ.

вава

Күн әлдеқашан батып кетті. Бұлт пердесін жабайын деп жатқандай... түнгі...

апке

Таудың біткен тұсы - Алматы.

пипар

Анааау тауға жазда, күзде құлпынай, қарақат теруге жаяулатып, не атпен баратынбыз. Онда қырғыз елінен бастау алатын Меркі өзені ағады, балығы жоқ. Балық жоқ болуы себебі - тауда көп мөлшерде уран бар, дейді үлкендер.

оено

Бірінші таудан оңға қарай созылып жатқан жолды көрдіңіз бе? Ол - сиыр жол. Сиыр жолдың басынан сиыр өрісі тарағанын көргенде, сиырларды айдап келуге жүгіретінбіз.

уаыв

Ауылым осы. Бұл бер жағы. Осында демалып жатырмын. Қаласаңыз, келіңіз)). 

Н.ғ.: ...ауылда аспан жерге жақын, әрі жұлдыздар "көп".