Суреттер сөйлейді (№1): БАЙҚОҢЫР (1950-1960)
жеке
блог

Суреттер сөйлейді (№1): БАЙҚОҢЫР (1950-1960)

Әрбір адамның өзіне туған жері ыстық, әлбетте. Мен 19(...) жылы Байқоңыр қаласында дүниеге келгем. Байқоңыр қаласының тарихы қызықтырса, Google-дан іздесеңіз болады. Егер қызықтырмаса, онда Google сізге көмектесе алмайды. Дегенмен, әркімге өз туған жерінің алғашқы суреттері қатты қызық болуы керек. Ескі суреттерді айтамын да. Мен де Байқоңырдың ескі суреттерін іздеп таптым. Кейбір суреттер монтаждың арқасында ескіге айналған болуы да мүмкін. Жалпы, Байқоңырда болған адамдар "таза қала" деп жатады. 1955 жылы құрылысы жүргізіле бастаған. Ленинск қаласы деп аталып келген. Оның алдында құпия болуы үшін сандармен белгіленген. Байқоңыр деп қоңыр топыраққа бай өлке болғандықтан аталған. Өкінішке қарай, өңірдің қазіргі жағдайы басқаша. Протондар ұшып, озон қабаты тесіле берген соң, күн сәулесіне шомыламыз. Кейде "гептил" жейміз. Мутанттар туылмай жатыр. Туылса, "Өрмекші адамның" жалғасы осы қалада түсірілмек. Қызылорданың ағаштары кедергі болмас. Қайдааа!? Қызылорда Байқоңырдан 250 км жерде орналасқан. Қызылордаға бізден гөрі Шиелі жақын. Қалғанын география пәнінің апайы үйрете жатар. Сонымен, суреттер сөйлейді. Сөйлегенде көпіріп, былшыл етіп, аузы жабылмайын деп тұр.

 Алғашқы қазықша Алғашқы қазық

Алғашқы қазық

Алғашқы тұрақ Алғашқы құрылыс

Алғашқыда адамдар ақшатырда тұрған. Кейінірек құрылыс жұмыстары басталған.

Алғашқы техника Алғашқы техника

Техниканың алғашқы жұмыстары

Қызметтік мекеме Көпқабатты үйлер

Алғашқы қызметтік мекеме және құрылыс жұмыстары

30 мектеп Аэродром КПП

№30 мектеп. Ал мынау аэродром жақтағы бақылау пүнкіті

Аэропорт Аэропорт

Әуежай. 1960 жыл

Бір көше Гагарин даңғылы

Екінші сурет: Гагарин көшесі

Дала Жайлау

Қазақтар мекен еткен жер ғой

Әскери казарма Әскери саябақ

Әскери казарма мен саябақ. 1956 жыл

Саябақ БП

Комсомол саябағы. Ал бұл жерге кейінірек Королев ескерткіші қойылған.

ЖЭС

ЖЭС. 1960 жыл

БП Құрылыс

Бірінші сурет: бақылау пүнкіті. Орыстың мілсәлары құжатыңды тексереді :)

Панорама

Байқоңыр қаласы. Мынау Сырдарияның төменгі ағысы-ау деймін.

Алаң Кинотеатр

Ленин алаңы. Ал мынау "Летний" кинотеатры. Мен барып көрмегем бірақ :)

Мәдениет үйі

Орталық мәдениет үйінің құрылысы. Осы жерге ғой "Шаншар", "Алдараспан", "Жігіттер", "Заттыбек", т.б. келетін.

МАИ Носов

Мәскеу авиация институты. Ал мынау Носов көшесі. 1960 жылдар

Офицерлер үйі Алғашқы үй

Офицерлердің үйі. Екінші сурет: алғашқы үйі.

Саябақ Пионерлер сарайы

Саябақ. Пионерлер сарайы. Бүгінде оқушылардың көбісі осы жерде әртүрлі үйірмелерге қатысады.

Пионерская Полигон

Пионерская көшесі (1957 жыл). Ал мынау алғашқы штаб (1956 жыл)

Полигон штабы Суретке

Полигон штабы. Ал мынау қазық қаққандағы суреттердің бірі.

Титов Универмаг

Титов көшесі. Ал мынау универмаг.

Футбол

Қызыл әскер көрген балалар футбол ойнап жүр. Пионер, комсомол балалар шығар :) iPhoneсыз өскен балалар қандай бақытты!