Тырналар тізбегі..
жеке
блог

Тырналар тізбегі..

***

Өткен күн өткенін сезінем,

Көктемнің жеткенін сезінем,

Өзіңді,Өзімді,Сезімді,

Сол бір Күз ап кетті өзімен.

 

...Ұран сап сезімдер сіздегі,

Тұр аңсап шаттықты күздегі,

Бір-ақ сәт жалғаннан жерініп

Сағынып тұрсыз ғой Сіз Мені!?

 

Тоңдырған тым суық күз лебі,

Күз лебі үмітті үз деді.

Маған да мәлім ғой барлығы:

Жанарың жақұтын үзіп еді-

(Жаңа мұң «бақытын» іздеді..)

 

Аямап еді ғой күз мені,

Аямап еді ғой мұз демі.

P.S.Есіме салып тұр ал бүгін-

(Барлығын...)

Тырналар тізбегі,

Тырналар тізбегі.....

2013 Ә.І.