"Валентиндік махаббат"

Ай, қазағым, қайда кетіп барасың?

Саналылар құлақ салып қарасын.

Өзге діннің өзеуреген дәстүрі,

Жаулап алған жастарымыз санасын.

Жүрекшелер қызыл-жасыл жайқалған,

"Валентиндік" базарлықтар байқалған.

Бір-ақ күннің қызығына батам деп,

Талай ғұмыр, талай тағдыр шайқалған.

Махаббат - ол ұлы сезім, жас арман,

Махаббатпен қам көңілдер жасарған.

"Валентиндік махаббаттың" кесірі,

Елімізде талай аборт жасалған.

Ынтызарлық, құмарлықты қоздырған, 

Ата-баба салт-дәстүрін тоздырған.

Ашу кернеп, намыс билеп бойымды,

Ар өлеңін амалсыздан жаздырған.