08.01.2012 жексенбі

Бүгінгі күнгі бастамалар...

8 Қаңтар 2012 Жексенбі

Таң 6:44

Күн 8:25

Бесін 13:01

Екінті 15:54

Шам 17:42

Құптан 19:06

Құран аяттарынан: Аса қамқор, ерекше мейірімді Алланың атымен бастаймын. (1) Барлық мақтау бүкіл әлемнің Раббы Аллаға тән. (2) Аса қамқор, ерекше мейірімді. (3) Қиямет күнінің иесі. (4) Саған ғана құлшылық қыламыз, әрі Сенен ғана жәрдем тілейміз! (5) Бізді тура жолға сала көр! (6) Нығметке бөленгендеріңнің жолына! Ашуға ұшырағандардың және адасқандардың жолына емес! (7)

Хадис:Шынайы сабыр - соққының алғашқы тиген сәтіндегі сабыр.

Сұхбат-әңгіме: «Аллаһ Субхана Уәтағала нәпсіні сынаймын деп Нәпсіні ең әуелі отқа 3 күнге салып алып шығады. Сосын сен кімсің Мен кіммін деп сұрайды. Нәпсі – мен менмін Сен сенсің деп жауап береді. Аллаһ Тағала оны мұзға үш күнге салады, алғаннан кейін сен кімсің Мен кіммін десе, нәпсі мен менмін Сен сенсің деп жауап қатады. Құдыретті, барлығын Білуші Иеміз нәпсіні тамақсыз, тіпті сусыз үш күнге қалдырады. Үш күннен нәпсіден сұрайды Ал енді сен кімсің, Мен кіммін? Сонда нәпсі мен құлмын Сен Аллаһ Тағаласың деп жауап берген». Бұл әңгімеден біз нені түсінеміз? Сонда нәпсі тек аштықты жеккөрем ма? Әрине, сөзсіз аштық нәпсіні тыйяды. Бірақ нәпсі тек аштықта ғана білінбейді, біз осыны ұмытпауымыз керек.
Адамның еріншектігі мен жалқаулығы, намазға тиянақты қарамауы, оразасын аса ыждахаттылықпен ұстанбауы, балағат сөзбен сөйлеуі, осының барлығы нәпсіге жатады. Пайғамбарымыз (с.а.с.) бұл туралы былай дейді: «Мен өз үмметімнің екі нәрсега ұшырайма деп қорқам. Біріншісі ол үлкен қарын, екіншісі жалқаулық пен ұйқы». Бұл сөзден біз нені түсінеміз? Яғни, үлкен қарын дегеніміз, тамақты тым асыра жеу. Ал ұйқы болса, қазіргі кезде жастық пен біз ұйқыға көп көңіл бөлмеуіміз керек. Пайғамбарымыз (с.а.с.) ерте жатып, таңғы ертеде таң намазына тұратын. Оған қарамастан түнгі уақытта тахажут намазына тұрып үлгеретін. Бұл ненің белгісі, әрине бұл иманның жоғары екенінің белгісі. Ал иманыңыз берік болсаңыз, нәпсіңіз өзінен-өзі сізден аулақ жүреді. Нәпсі Алланың адамзатқа берген бір үлкен сынағы. Махмұд Қашғаридің сөзін тыңдасақ: «Еріншекке есік те асу көрінер, Жалқауға бұлтта жүк көрінер».

Сурет: