Қазақстан құрамасы химия пәнінен халықаралық олимпиадада 4 қола медаль жеңіп алды
![Қазақстан құрамасы химия пәнінен халықаралық олимпиадада 4 қола медаль жеңіп алды](/userdata/news/news_62869/image_l.jpg)
Covid-19 пандемиясы жағдайында халықаралық жарыс қашықтан өтті. Қазақстандық оқушылар 4 қола медаль жеңіп алды.
Олимпиадаға әлемнің 60 елінен 200-ден астам оқушы қатысты. Қазақстан осы турнирге іріктеу турлары мен Менделеев олимпиадасының жалпы рейтингісінің нәтижелері бойынша құрама команданың мүшесі болған 4 конкурсантты ұсынды.
Олимпиада қорытындысы бойынша құрама команданың барлық мүшеcі (қола медальға ие болды. Олар: Қайырбек Хайдар (Павлодар қ. химия-биология бағытындағы "Назарбаев Зияткерлік мектебі"); Мужубаев Әбілмансұр (Нұр-Сұлтан қ. химия-биология бағытындағы "Назарбаев Зияткерлік мектебі"); Сейсенқұл Бақдәулет (Нұр-Сұлтан қ. дарынды ер балаларға арналған "Білім-инновация" лицей-интернаты); Абдугафарова Кибриянур (Алматы қ. "Galaxy" халықаралық мектебі).
Халықаралық химиялық олимпиада (International Chemistry Olympiad-IChO) – бұл дарынды оқушыларға арналған химия пәні бойынша жыл сайын ұйымдастырылатын халықаралық олимпиада.
Н. Үсенова