Жақында Астанада әлемдік опера жұлдызы, Гиннестің рекордтар кітабына енген Il Divo квартеті концерт берді. Шығармашылық кештен кейін топ мүшелері қазақстандық Mezzo тобымен кездесті. Қазақстандық әншілер Il Divo тобына Regres a mi әнін орындап берді.
Ұлыбританиядан келген қонақтар қазақстандық әншілердің талантына таңғалып, оларды видеоға түсіріп, қошемет көрсетті. "Неоклассикалық бағытта ән шырқап жүрген, жаңадан құрылған қазақстандық топ үшін бұл кездесу өте маңызды", - деді музыкалық топтың продюсері.
Mezzo тобы әріптестеріне күйтабақтарын сыйға тартты. Il Divo тобының солистері болса қазақстандық жас әншілерге үлкен үмітпен қарайтындарын айтып, олардың жақында әлем тыңдармандарының жүрегін жаулайтынына сенім білдірді.