Солтүстік Қазақстан облысында жүргізуші мектеп автобусын мас күйде айдаған

Фото: polisia.kz

26 қаңтар 2024, 19:00

Солтүстік Қазақстан облысының полицейлері мектеп автобусын мас күйде басқарған жүргізушіні анықтады, - деп хабарлайды Massaget.kz тілшісі.

Ақжар ауданында тәртіп сақшылары мектеп автобусын тексерді, онда 10 және 12 жастағы екі оқушы, сондай-ақ мұғалім болған.

"Жүргізушіден алкогольдің иісі шығып тұрды. Медициналық куәландыру оның мас күйде екенін көрсетті", - деп хабарлады полиция.

Аталған факті бойынша ҚР Әкімшілік құқық бұзушылық туралы кодексінің 608-бабы бойынша материал жиналды.

Сот шешімімен 45 жастағы жүргізуші 15 тәулік мерзімге қамауға алынып, 7 жылға көлік жүргізу құқығынан айырылды.