"Мемлекет ондайды ешқашан кешірмейді". СІМ Тина Канделаки Қазақстанға кірмейтінін айтты

Танымал ресейлік тележүргізуші Тина Канделаки Қазақстанға кірмейді. Бұл туралы Сыртқы істер министрлігінің ресми өкілі Айбек Смадияров айтты, - деп хабарлайды Massaget.kz тілшісі.

"Қоғам өзі жауап берді ғой, көрдіңіздер ғой, қызу талқыланды. Оған не қосайын? Ең өкініштісі мәлімдеме жасаған әрбір азаматқа жауап бере берсек өзімізді ұмытып қаламыз. Өзіміздің қанша ішкі мәселеміз бар. соған көңіл бөлейік. Анау айтты, мынау айтты деп көңіл бөле берсек, уақытымыз жетпейді. Екінші өкінішті мәселе - көрші ел, өзіміздің достарымыз біздің ел туралы беймәлім екені. Себебі біз туралы ақпарат оларда дұрыс емес. Біздің елге келіп көрсін. Ойдан шығарып жаза беріп, әлеуметтік желіде қырылысқанша өзіміздің жұмысымызды жалғастырайық.

1, 2, 3 деген тізім жоқ. Ол әр мемлекеттің өзінің ішкі шарасы. Біреу ұнамаса үйіңізге кіргізбейсіз ғой. Сол секілді біз де кіргізбейміз. Керек кезде шара қабылданады. Оны нақты "бүгін, ертең кіргізбейсіздер ме?" деп талап етпеңіздер. Мемлекет ондайды ешқашан кешірмейді. Ол Қазақстанға келе қоймас. Келсе кірмейді", - дейді Айбек Смадияров. 

Еске салайық, ресейлік белгілі тележурналист Тина Канделаки Қазақстанда орыс тілінің аясы таралып жатқанын айтып, дабыл қаққан еді.

Көлік министрлігі кейбір темір жол станцияларын (Нұр-Сұлтан - Астанаға, Нұр-Сұлтан - Нұрлы жолды – Нұрлы жол, Косшокуды – Қосшоқыға, Сай-Утесті – Сайөтеске;, Өзенді Жаңаөзенге, Уралды Оралға, Құмшағылды Құмшағалға) қайта атау туралы Үкімет қаулысының жобасын жариялаған болатын.

Тина Канделаки Telegram-дағы жеке парақшасында Қазақстан осылайша орыс тілін мемлекеттік деңгейде ығыстырып жатыр деп пікір жазған.

"Тарихтағы өз орнын қолдау сылтауымен өте алысқа баруға болатыны түсінікті. Әсіресе осындай күмәнді шешімдерді қабылдау тарихты жасыру ыңғайлы"- деді ол.

Ресейлік тележүргізушінің бұл пікірі әлеуметтік желіде қызу талқыланды.

Қызықты жаңалықтар мен видеоларды көру үшін TikTok арнамызға жазылыңыз!