Аты аңызға айналған футболшы Франц Беккенбауэр қайтыс болды
![Аты аңызға айналған футболшы Франц Беккенбауэр қайтыс болды](/userdata/news/news_98606/image_l.png)
Аты аңызға айналған неміс футболшысы, 1974 жылғы әлем чемпионы Франц Беккенбауэр 78 жасында қайтыс болды. Қаралы хабарды белгілі спорт журналисі және репортер Фабрицио Романо естіртті, - деп хабарлайды Massaget.kz тілшісі Tengri Sport-қа сілтеме жасап.
Экс-футболшының денсаулығы былтырғы жазда нашарлаған. Беккенбауэр 7 қаңтарда, жексенбіде қайтыс болды.
"Франц Беккенбауэр кеше, жексенбіде жақындарының қасында, ұйықтап жатқанда тып-тыныш қана өмірден өткенін қайғыра хабарлаймыз", - деп хабарлады футболшының отбасы.
Франц Беккенбауэр. Фото: ALEXANDER HASSENSTEIN/GETTY IMAGES
Беккенбауэр Әлем чемпионатымен қоса, Еуро-1972 жеңімпазы атанды. Ол мюнхендік "Бавария" сапында жүргенде төрт рет Германия чемпионатын жеңіп алды және үш рет Еуропа кубогында (қазіргі Чемпиондар лигасы) жеңіске жетті.
Беккенбаэур футбол тарихындағы ең үздік қорғаушылардың бірі болып есептеледі. Ол екі рет – 1974 және 1976 жылдары "Алтын допты" жеңіп алған осы позициядағы жалғыз ойыншы.
Еске салайық, бұған дейін аңызға айналған футболшы және Бразилия құрамасының бас бапкері болған Марио Загалло 93 жасында өмірден озғанын жазған едік.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан