Шымкентте жаңа туған нәрестені лақтырып кеткен әйел іздестіріліп жатыр

Фото: elements.envato.com

23 желтоқсан 2023, 12:15

Шымкент полицейлері 21 желтоқсанда өлі табылған жаңа туған нәрестенің анасын іздеп жатыр, - деп хабарлайды Massaget.kz тілшісі.

21 желтоқсанда Қаратау аудандық полиция басқармасына жаңа туған нәрестенің мәйіті табылғаны туралы хабарлама түскен.

Полиция нәрестенің анасын іздестіріп жатыр. Осы факті бойынша Қылмыстық кодекстің 100-бабы "Анасы жаңа туған нәрестені өлтіру" бойынша іс қозғалды.

Қазіргі уақытта полиция қызметкерлері қылмыскерді табу үшін барлық қажетті шараны жасап жатыр.