Тоқаев 2024 жылғы ең төменгі жалақы мен айлық есептік көрсеткіш мөлшерін бекітті
Фото:
Akorda.kz
Президент Қасым-Жомарт Тоқаев 2024 жылғы ең төменгі жалақы, айлық есептік көрсеткіш және ең төменгі зейнетақының мөлшерін белгілейтін заңға қол қойды, - деп хабарлайды Massaget.kz тілшісі Ақорданың баспасөз қызметіне сілтеме жасап.
"Мемлекет басшысы "2024-2026 жылдарға арналған республикалық бюджет туралы" Қазақстан Республикасының заңына қол қойды", - делінген хабарламада.
Сенаттың сайтындағы мәлімет бойынша, заңда 2024 жылғы 1 қаңтардан бастап мыналарды белгілеу қарастырылған:
- ең төменгі жалақы – 85 000 теңге;
- мемлекеттік базалық зейнетақы төлемінің ең төменгі мөлшері – 28 215 теңге;
- ең төменгі зейнетақы – 57 853 теңге;
- айлық есептік көрсеткіш (АЕК) – 3 692 теңге;
- базалық әлеуметтiк төлемдердiң мөлшерiн есептеу үшiн күнкөрiс минимумы – 43 407 теңге.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан