Тоқаев Ұлттық қордан трансферт туралы заңға қол қойды

Президент Қасым-Жомарт Тоқаев Ұлттық қордан трансферт туралы заңға қол қойды, - деп хабарлайды Massaget.kz тілшісі.

Бұл туралы Ақорданың баспасөз қызметі хабарлады.

"Мемлекет басшысы "Қазақстан Республикасының Ұлттық қорынан 2024 – 2026 жылдарға арналған кепілдендірілген трансферт туралы" Қазақстан Республикасының заңына қол қойды", - делінген хабарламада.

Заңның мәтіні баспасөзде жарияланады.

Еске салайық, 23 қарашада Сенат депутаттары "Қазақстан Республикасының Ұлттық қорынан 2024–2026 жылдарға арналған кепілдендірілген трансферт туралы" заңды мақұлдаған еді.

"Қазақстан Республикасының Ұлттық қорынан 2024-2026 жылдарға арналған кепілдендірілген трансферт туралы" заңды бекіту туралы Сенат қаулысы дауысқа салынып жатыр", - деді Сенат спикері Мәулен Әшімбаев сол кезде.

Депутаттар заңды мақұлдауға бірауыздан дауыс берді.

Instagram парақшамызға жазылып, ең қызықты ақпараттарды бірінші болып оқыңыз!