Қостанайда құрылыс краны құлады: бір жұмысшы қаза тапты
Қостанайда салынып жатқан нысанда құрылыс краны құлап, салдарынан бір адам оқиға орнында көз жұмды, - деп хабарлайды Massaget.kz тілшісі.
Облыстық Полиция департаменті мәліметінше, оқиға бүгін сағат 12:50-де болған.
"Шаяхметов көшесіндегі салынып жатқан нысанда кран құлады, салонда 49 жастағы ер адам болған, ол алған жарақатынан оқиға орнында көз жұмды. Дерек бойынша Қылмыстық кодекстің 277-бабы 2-бөлігі "Адам өліміне әкеп соқтырған тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу" бойынша соталды тергеу басталды", - деді Полиция департаментінің баспасөз қызметі өкілдері.
Посмотреть эту публикацию в Instagram
Оқиға орнында барлық қажетті тергеу әрекеті жүргізіліп жатыр. Кранның құлау себебі анықталып жатыр.
Посмотреть эту публикацию в Instagram
Басқа ақпарат тергеу шеңберінде жарияланбайды.
Куәгер суреті
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Бөлек