Дәрігер бала неліктен жастықсыз ұйықтағаны дұрыс екенін түсіндірді

Педиатрлар мен сынықшылар 3 жасқа дейінгі баланың жастықсыз ұйықтағаны дұрыс екенін айтып, кеңес берді. Ал травматолог, ортопед Маргарита Мукнаева мұның себебін түсіндірді, - деп хабарлайды Massaget.kz тілшісі "Почему болит-ке" сілтеме жасап.

"Баланың денесі ересек адамның пропорцияларымен салыстырғанда өзгеше. Сәбилер өте үлкен баспен туылады. Кішкентай бала жастықта жатқан кезде оның мойыны жасанды бүгілген күйге түседі", - деп түсіндірді дәрігер.

Травматолог бала ұйықтағанда бас пен дене бір көлденең жазықтықта болуы керек екенін, бұл тұншығу қаупінің алдын алуға көмектесетінін айтты.

Сәбидің жастықта жатуы неліктен қауіпті?

• Нәрестенің кенеттен қайтыс болу синдромының ықтималдығы артады;
• Бала 4-5 айдан кейін ұйқы кезінде қозғалып, мұрын тесіктерін жауып тастауы мүмкін, бұл асфиксияға қауіп төндіреді;
• Өмірдің алғашқы 2 жылында жастықта ұйықтау мойын омыртқаларының деформациялану ықтималдығын арттырады;
• Жастықтың ішіндегі толтырғышы жедел аллергиялық әсер тудыруы және нәтижесінде тыныс алу органдарының ісінуіне әкелуі мүмкін.

"Бала шамамен 3 жасқа толып, дене пропорциялары өзгерген кезде, ортопедиялық емес жұқа жастықты қолдануға болады. Оның биіктігі баланың иығынан ½ аспауы керек", - деп ескертті маман.

Айта кетейік, бұған дейін бала неге сөйлемейді: ата-аналар жиі жіберетін 5 қателік хабарланған болатын. 

Тағы да оқи отырыңыздар: Туған күн туралы қандай әндер бар?

Instagram парақшамызға жазылып, ең қызықты ақпараттарды бірінші болып оқыңыз!