"Есінен танып қалды". Автокөлік орындықта отырған әйелді тротуарға сүйреп апарған
Екібастұзда автобус жүргізушісі жаяу жүргіншілер аймағына кіріп, орындықта отырған әйелге соғылған. Қатты соққыдан зардап шеккен адам есінен танып қалды, - деп хабарлайды Massaget.kz тілшісі.
Әлеуметтік желіде жарияланған бейнежазбада көлік орындықта отырған әйелге соғылып, оны бірнеше метр сүйреп апарып, дүкен ғимаратына соғылғанын көруге болады.
Посмотреть эту публикацию в Instagram
Полиция департаментінің хабарлауынша, оқиға 21 қарашада сағат 17:30 шамасында болған.
"HYUNDAI Matrix жүргізушісі Мұхтар Әуезов көшесінде шұңқырға түсіп, содан кейін рульді басқара алмай, әйел отырған орындыққа соғылып, траекториясын өзгертіп, дүкен ғимаратына соқтығысқан", - деп түсіндірді аймақ ПД баспасөз қызметі.
Автокөлік арнайы автотұраққа қамалды.
"ЖКО фактісі бойынша сараптама тағайындалды, тексеру жүргізілуде", - деп атап өтті баспасөз қызметі.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы