• 450.77
  • 503.11
  • 4.87

"9-20-25" бағдарламасы қашан іске қосылуы мүмкін? Отбасы банкі жауап берді

"9-20-25" бағдарламасы қашан іске қосылуы мүмкін? Отбасы банкі жауап берді
Фото: Tengrinews.kz

Отбасы банкінің төрағасы Ләззат Ибрагимова 2024 жылы "9-20-25" жаңа ипотекалық бағдарламасына қатысу шарты әзірлетінін мәлімдеді, - деп хабарлайды Massaget.kz тілшісі.

Ол жаңа бағдарлама жас отбасыларға негізделетінін атап өтті.

"Соңғы уақытта жас отбасылар бізге жиі хабарласып, "Бір баламыз бар, өмірлік жолымызды енді бастап жатырмыз. Бірақ бізде баспана жоқ. Біз мемлекеттік қызметкер де, бюджеттен қаржыландырылатын ұйымдар қызметкері де емеспіз. Біз осы санат бойынша баспана кезегіне тұра алмаймыз", - дейді Ләззат Ибрагимова.

Оларды ескеріп және Қазақстанның 20 миллионыншы тұрғының дүниеге келуіне байланысты біз осы бағдарламаны (9-20-25 – автор) әзірлегіміз келеді. Оның ставкасы сәл жоғары болады. Өйткені, бағдарламаға қаржы нарықтан тартылады.

"(Бағдарламаның) барлық талабы мен барлық механизмі 2024 жылы нақты белгілі болады", - деді төраға Орталық коммуникациялар қызметінде өткен баспасөз мәслихатында.

Аяз Есен

Instagram парақшамызға жазылып, ең қызықты ақпараттарды бірінші болып оқыңыз!

Massaget.kz