1 ай бойы ұн өнімдерін жемесеңіз не болады?

Нан, макарон және тәттілер сияқты ұн өнімдері көпшілік үшін ас мәзірдің ажырамас бөлігі. Бірақ егер сіз оларды бір ай бойы тұтынбасаңыз не болады?

Ұн өнімдерінен бір айға бас тарту сіздің физикалық денсаулығыңызға оң әсер етуі мүмкін. Мысалы:

Артық салмақтан құтыласыз. Ұн өнімдері көбінесе калория мен көмірсуға бай. Оларды күнделікті мәзіріңізден алып тастау қосымша салмақтың кетуіне әкелуі мүмкін, әсіресе оларды төмен калориялы тағаммен ауыстырсаңыз.

Қандағы қант деңгейін тұрақтайды. Ұн тез сіңетіндіктен, қандағы қант деңгейінің күрт өзгеруіне әкелуі мүмкін. Ұннан бас тарту ағзадағы глюкоза деңгейінің тұрақталуына ықпал етеді.

Ас қорыту жұмысы жақсарады. Кейбір адамдар ұн өнімдерін жегеннен кейін ыңғайсыздық пен ісінуді сезінеді. Сондықтан оларды тұтынбау асқазан-ішек жолдарының жұмысын жақсарта алады.

Энергия артады. Ұн өнімдері тамақтанғаннан кейін ұйқышылдық сезімін тудыруы мүмкін. Одан бас тарту энергия деңгейін тұрақтандыруға ықпал етеді.

Ұннан бас тарту: баламалар мен тепе-теңдік

Көкөніс, бұршақ дақылдарын және жемісті көбірек тұтыныңыз. Бұл сізге қажетті қоректік заттарды алуға көмектеседі.

Ағзаның глютенге төзбейтінін қалай түсінуге болады?

Глютен - бидай, қара бидай және арпа сияқты дәнді дақылдарда болатын ақуыз. Бұл ақуыз жабысқақ құрылымға ие болғандықтан, қамырға серпімділік береді, бұл оны нан пісіруге және басқа да пісірілген тағам дайындауға ыңғайлы етеді.

Алайда глютен кейбір адамдарда төзімсіздік тудыруы мүмкін. Целиак ауруы - бұл аутоиммунды ауру, онда ағза аш ішектің қабырғаларын зақымдап, қалыпты ас қорыту мен қоректік заттардың сіңуіне кедергі келтіру арқылы глютенге жауап береді.

Көптеген адам үшін глютен қауіпсіз және олардың ас мәзірінің маңызды бөлігін құрайды.

Глютенге төзбеушілік әртүрлі жолмен көрінеді. Ағзаңыздың глютенге төзімсіздігін көрсететін бірнеше белгі:

Асқазан мен ас қорыту мәселелері. Құрамында глютені бар тағамдарды жегеннен кейін ішіңіз ісініп, газ, диарея немесе іш қатуы мүмкін.

Шаршау және әлсіздік. Глютенді жегеннен кейін сіз шаршау немесе әлсіздік сезінуіңіз мүмкін.

Ашушаңдық. Глютенге төзбеушілігі бар адам тез ашуланып, көңіл-күйдің өзгеруін сезінуі мүмкін.

Буын мен бұлшықеттегі ауырсыну. Бұл буын немесе бұлшықеттерде ауырсыну түрінде көрінеді.

Бөртпе немесе басқа тері мәселелері. Кейбір адамдарда глютенге төзбеушілік тері бөртпесін немесе экземасын тудырады.

Іш және бас ауруы. Глютен сонымен қатар іш пен бас ауруын тудыруы мүмкін.

Басқа да белгілер. Бұдан басқа қабыну, етеккір циклі мәселесі, сүйек тығыздығының төмендеуі және т.б. сияқты басқа белгілер болуы мүмкін.

Ұннан бас тартудың денсаулыққа әсері әр адам үшін әр түрлі болуы мүмкін. Егер сізде созылмалы ауру болса немесе тамақтану салтыңызды айтарлықтай өзгерткіңіз келсе, дәрігермен немесе диетологпен кеңескен жөн.

Тағы да оқи отырыңыздар: Тіс щеткасын қанша уақытта ауыстырып тұру керек?

Instagram парақшамызға жазылып, ең қызықты ақпараттарды бірінші болып оқыңыз!