Сапасыз көрсетілген қызметке төленген қаражатты қайтарып алу мүмкін бе?

Үйде пайданалып отырған техника бұзылып, жаңасын сатып алуға қаражат болмайтын кездер кез келгеннің басына түсуі мүмкін. Осындай жағдайда техниканы арнайы маманға жөндеуге беру керек. Бірақ бірнеше күн бұрын ғана жөндеп, бөлшектерін жаңалаған техника жұмысын қайта тоқтатса, не істеу керегін білмей шеберге қоңырау шаламыз. Сапасыз жасалған жұмыс үшін ақша қайтарыла ма? Заң жәбірленушінің мүддесін қалай қорғайды? Massaget.kz тілшісі анықтады.

"Право знать" Telegram-арнасы тұтынушы залалды қалай өндіре алатыны туралы жазған.  

"Тұтынушылардың құқықтарын қорғау туралы" ҚР Заңының 35-бабының 1-тармағына сәйкес тұтынушы көрсетілген қызметте кемшіліктер анықталған кезде өз таңдауы бойынша: 

• Орындалған жұмыста (көрсетілген қызметте) кемшіліктерді өтеусіз жоюды;
• Орындалған жұмыс (көрсетілген қызмет) үшін ақыны тиісінше азайтуды;
• осындай сападағы біртекті материалдан немесе жұмысты қайта орындаудан (қызмет көрсетуден) басқа затты өтеусіз дайындауды талап етуге құқылы;
• егер шартта көрсетілген болса, тұтынушы кемшілікте жоюға кеткен шығынды өндіріп ала алады

Залалды өндіріп алу үшін көрсетілетін қызметті шеберге жазбаша шағыммен жүгіну қажет. Онда шағымның мәні мен талапты көрсетіледі, мысалы, орындалған жұмыстағы кемшіліктерді, сондай-ақ талаптың орындалу мерзімін ақысыз жою.

Автордың айтуынша, заңға сәйкес шебер заңға сәйкес қойылған талаптарды орындаудан бас тартса, уәкілетті орғандарға жүгіну қажет.

"Егер көрсетілген мерзім ішінде орындаушы шағымға жазбаша жауап бермесе немесе бұзушылықтарды жоюдан және келтірілген зиянды ерікті тәртіппен өтеуден бас тартса, сондай-ақ дауды сотқа дейінгі тәртіппен реттеуден бас тартса, тұтынушы тұтынушылардың құқықтарын қорғау саласындағы функцияларды жүзеге асыратын уәкілетті органға жүгінуге құқылы", - делінген хабарламада.

Айта кетейік, төлемді банк арқылы онлайн жасасаңыз түбіртек сотта дәлел ретінде пайдаланылуы мүмкін. Алайда мамандар "нотариустың дәлелдемелерді қамтамасыз етуі" қызметі үшін нотариусқа жүгінген дұрыс екенін айтты.

Еске салайық, бұған дейін ажырасқаннан кейін қалыңмалды қалай қайтарып алуға болатыны туралы жазған едік.

Тағы да оқи отырыңыздар: Телефонды күніне қанша сағат қолдануға болады?

Өзекті жаңалықтарды өз уақытында оқу үшін Facebook парақшамызға жазылыңыз!