Көкшетауда сарбаздардың жаппай инфекция жұқтыруы: ДСМ пікір білдірді

Денсаулық сақтау министрлігі Ақмола облысында бір күн бұрын ауруханаға жатқызылған 40-тан аса мерзімді сарбаздың жағдайы туралы айтты, - деп хабарлайды Massaget.kz тілшісі.

Денсаулық сақтау министрі Ажар Ғиният Ақмола облысының әскери бөлімінде инфекциялық аурудың 45 жағдайы тіркелгенін хабарлады.

"Мерзімді сарбаздар инфекциялық стационарға жатқызылды. 41 науқас ауруханада жатыр, біреуі реанимацияда болды, қазір жағдайы жақсарды. Мамандар менингококк инфекциясының тіркелгенін айтты, кейбіреулерінде энтеровирус болған. Маусымдық микст инфекциясы жүріп жатыр. Шамасы, біреу ауырып, басқаларға жұқтырған. Инфекция жұқтырған адаммен байланыста болғандардың барлығы тексеріліп, белгілері бар адамдар оқшауланды. Инфекцияның таралуына жол бермейміз, ауыр жағдайлар жоқ", - деді министр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!