Ұлымен бірге. Жоғалған сүңгуір қайық ішінде Пәкістанның ең бай адамдарының бірі болған

Атлант мұхитында із-түзсіз жоғалған "Титан" сүңгуір қайығының бортында бес адам, оның ішінде пәкістандық кәсіпкер Шахзад Дауд пен оның ұлы Сүлейман бар. Бұл туралы сейсенбі, 20 маусымда британдық Sky News телеарнасы хабарлады.

Бір күн бұрын OceanGate Expeditions туристерді Титаник жолаушылар лайнері батып кеткен жерге жеткізуге арналған экипажы бар қайықтың жоғалғанын растады. «Титан» жексенбі күні таңертең кеме суға батқаннан кейін шамамен бір сағат 45 минуттан соң Polar Prince зерттеу кемесімен байланысын үзген.

Сондай-ақ бортта британдық миллиардер және зерттеуші Хамиш Хардинг, француз сүңгуір жүргізушісі Пол-Генри Нарголет, OceanGate Expeditions компаниясының бас директоры және негізін қалаушы Стоктон Раш бар.

Қазір оқиға аймағында АҚШ жағалау күзеті бастаған әскери ұшақтардың қатысуымен іздестіру-құтқару операциясы жүргізіліп жатыр. Оған Канаданың жағалау күзеті мен Канада күштері іздеуге қосылды. Атап айтқанда, канадалықтар С-130 ұшағын және Р-8 сүңгуір қайығын іске қосқан.

Атап өтілгендей, құтқару жұмыстары сүңгуірдің өте тереңге кетуімен қиындап жатыр. OceanGate мәліметтері бойынша, "Титан" сүңгуір аппараты «қауіпсіздіктің қолайлы шегімен» төрт шақырымға дейінгі тереңдікке сүңгуге қабілетті. Экипажда төтенше жағдайлар үшін 96 сағаттық оттегі бар, енді екі күнге жететін оттегі қалған.

Даудтың отбасы достары мен адамдарға алаңдаушылық білдіргені үшін алғыс айтып, олардың қауіпсіздігі үшін дұға етуге шақырды.

Британдық Daily Mail газеті 48 жастағы Даудты Пәкістандағы ең бай адамдардың бірі деп атайды. Ол штаб-пәтері Карачиде орналасқан, тыңайтқыштар, азық-түлік, химия салаларын қамтитын конгломерат Энгро корпорациясының вице-президенті. Таблоидтың хабарлауынша, ол сонымен бірге 1976 жылы Ұлыбританияның қазіргі королі Чарльз III негізін қалаған Prince's Trust қайырымдылық ұйымының басшылық құрамында бар.

Туристерді 3,8 мың метр тереңдіктегі «Титаник» қирандысына жеткізумен OceanGate экспедициясы айналысады. Бағасы 250 000 доллар тұрады.

"Титаник" лайнері 1912 жылы сәуірде айсбергпен соқтығысып, Солтүстік Атлант мұхитында 3750 метр тереңдікте батып кетті. Апат болған жер Ньюфаундленд (Канада) аралынан шамамен 600 шақырым жерде орналасқан.

Айта кетейік, бұған дейін "Титан" сүңгуір қайығының жоғалып кеткенін хабарлаған едік.