Семсерлесуден Қазақстан құрамасы Әлем кубогы жеңімпазы атанды

Семсерлесуден Қазақстан ұлттық құрамасы Түркияның Ыстанбұл қаласында өткен Әлем кубогы кезеңінде топ жарды, - деп хабарлайды ҚР Спортты дамыту дирекциясы. 

Шешуші жарыс күні командалық сайыста Қазақстан құрамасы қарсылас шақ келтірмей, сенсация жасады. Алтын медаль үшін тартыста Нидерланд құрамасынан басым түсті. Есеп: 34-20.

Руслан Курбанов, Эльмир Əлімжанов, Вадим Шарлаимов, Ерлік Сертайдан жасақталған ұлттық құрама 1/32 кезеңде Колумбияны 45-41 есебімен ұтқан. Одан кейін Италия құрамасынан басым түсіп, үздік сегіздікке кірді. Есеп: 45-31. Ширек финалдағы тартысты айқаста отандастарымыз Аргентинадан басым болды. Есеп: 45-44. Ал жартылай финалда қазақстандықтар Испаниядан келген қарсыластарына сенімді түрде жеңді (45-32).

Жалпы, бұл кезеңде 45 елден 350-ге тарта семсерлесуші бақ сынады.

Чемпионға арналған пәтер!