Ұлттық құрама капитаны бокстан әлем чемпионатында Қазақстан қоржынына медаль салды

Бокстан Қазақстан ұлттық құрамасының капитаны Асланбек Шымбергенов Ташкентте өтіп жатқан әлем чемпионатында жүлдегер атанды.

1/4 финалда қазақстандық 71 келі салмақ дәрежесінде француз Макан Траореден ұпай саны бойынша жеңіске жетті.

Бірінші раундта 5:0 есебімен жеңіске жеткен Шымбергенов бір рет қарсыласын нокдаунға түсірді.

Екінші раундта Асланбек қарсыласын нокдаунға түсіріп, бірауыздан жеңіске жетті. Оның келесі қарсыласы үндістандық Нишан Дев болады.

Асланбек Шымбергенов 2023 жылғы әлем чемпионатының жүлдесін мерзімінен бұрын жеңіп алды, егер жартылай финалда жеңіске жетсе, әлем чемпионы атағын сарапқа салады.

Айта кетейік, бокстан әлем чемпионаты Ташкентте 13 салмақ дәрежесінде өтіп жатыр. Жартылай финал 12 мамырда, финал 13-14 мамырда өтеді.

Чемпионға арналған пәтер!