Шет елдерде Қазақстанның қанша азаматы дауыс берді?

Сыртқы істер министрлігі шет елдерде мәжіліс және мәслихат сайлауында Қазақстанның қанша азаматы дауыс бергенін мәлімдеді, - деп хабарлайды Massaget.kz тілшісі.

Ведомствоның хабарына қарағанда, 62 шет мемлекетте 77 учаскелік сайлау комиссиясы құрылған, онда 12 016 адам дауыс бере алады.

19 наурыз сағат 19:00-дегі жағдай бойынша шет елдердегі 11 учаскелік сайлау комиссиясы (Сеул, Токио, Пекин, Сингапур, Куала-Лумпур, Ұлан-Батыр, Гонконг, Шанхай, Бангкок, Джакарта және Ханой) жұмысын аяқтады және 5 071-ге жуық Қазақстан азаматы дауыс берді, бұл - 41,8 пайыз.

66 учаске жұмысын жалғастырып жатыр.

Шетелде дауыс беру Сан-Францискодағы сайлау учаскесінде 20 наурызда сағат 09:00-де аяқталады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!