Дәл қазір Астанадағы мектептерге қандай мамандар жетіспейді?

Дәл қазір Астанадағы мектептерге қандай мамандар жетіспейді?

Massaget.kz тілшісінің "Жалпы, Астана мектептерінде қандай мамандар тапшы, қандай мамандарға сұраныс жоғары» деген сауалдарына елордалық білім басқармасы былай жауап берді:


"Ұлттық білім беру дерекқорының соңғы мәліметтері бойынша, педагогтардың қажеттілігі 40 штатты құрайды. Оның ішінде, қала мектептеріне ағылшын тілінен сабақ беретін 1 мұғалім керек, информатикадан – 6, тарих пәнінен – 2, қазақ тілі бойынша – 1, математикадан дәріс беретін – 10 мұғалімге тапшылық бар. Сонымен қатар, бастауыш сыныпқа сабақ беретін (орыс тілінде) – 6 педагог, орыс тілінен – 2 маман, физикадан – 4, химия пәнінен – 2 мұғалім, көркем еңбектен 3 мұғалімге зәруміз. Сондай-ақ орыс тіліндегі бастауыш сынып, математика мамандары да тапшы", - делінген ведомство жауабында.


Мектепке қажет мамандарды жұмысқа шақыру үшін білім басқармасы қандай іс-шаралар қабылдайды?
Педагогтарды жұмысқа қабылдау бойынша:
педагогикалық мамандықтар бойынша мемлекеттік білім беру тапсырысы арқылы (Астана қаласы әкімінің гранты (2022 жылы – 1050);
ішкі және сыртқы көші-қон есебінен;
бос орындар жәрмеңкесіне қатысу есебінен;
2000-ға жуық техникалық және кәсіптік білім беру түлектері арқылы мектептер зәру мамандар мәселесін шешуде.


Азамат Қойшығара

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Қ. Әбілдәқызы