ҰҚК қызметкерлері қос азаматтығы бар 54 адамды анықтады
Шекара қызметінің қызметкерлері Қазақстан азаматтығы мен өзге елдің азаматтығын алған 54 адамды анықтады, - деп хабарлайды Massaget.kz тілшісі ҰҚК баспасөз қызметіне сілтеме жасап.
"2023 жылғы қаңтарда Қазақстан Республикасы Ұлттық қауіпсіздік комитетінің шекара қызметі өткізу пункттерінде қос азаматтығы бар тұлғалардың шекарадан өтуінің 54 дерегін анықтады. Құқық бұзушылықтың басым бөлігін Ресей, Түркия және Қытай азаматтары жасаған", - делінген ақпаратта.
Ведомство мәліметінше, ұсталғандар қосымша тергеу үшін полицияға жіберілген.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова