"Көлікте зорламақ болған". Атырауда ер адам 13 жастағы қызға тиіскен

"Көлікте зорламақ болған". Атырауда ер адам 13 жастағы қызға тиіскен
Фото: Tengrinews.kz

Атырауда ер адам 13 жастағы қызды зорламақ болған. Полиция ақпаратқа қатысты пікір білдірді, - деп хабарлайды Massaget.kz тілшісі.

Әлеуметтік желілерде Авангард шағынауданында көлікте қыз зорланғаны туралы ақпараттың болжамды суреттері мен хабарламалары тарап жатыр.

Ал Атырау облысы Полиция департаменті мәліметінше, Авангард шағынауданында көлікті заңсыз басқарған ер адам көпқабатты үй ауласында жасырынып, 13 жастағы қызды зорламақ болған.

"Атырау Полиция басқармасы патрульдік полиция батальоны қызметкерлерінің жедел әрекет етуі нәтижесінде ол қылмыс үстінде ұсталды. ҚР Қылмыстық кодексінің 120-бабы 4-бөлігі кәмелетке толмаған адамды зорлауға оқталу дерегі бойынша тергеу басталды. Күдікті ұсталды", - деді Полиция департаментінің баспасөз қызметі өкілі.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Ж. Қадыржанова