Белгілі ақтөбелік блогер, вайнер қаза болды

Ақтөбедегі танымал блогер, вайнер және КВН-ші қаза болды. Мұрат Бірмағамбетов Марс Откатович және Мура Мариарчи лақап аттарымен танымал болған, - деп хабарлайды "Диапазон".

Ақтөбелік Мұрат Бірмағамбетовті бүкіл қала іздеді. Ол 19 қарашада хабарсыз кеткен. Блогер үйден шығып, оралмағаны хабарланды.

"Блогер, вайнер, әзілкеш, волонтер, Ақтөбе КВН командасының бұрынғы капитаны және қала патриоты - жерлесіміз Мұрат Бірмағамбетов туралы осылай айтуға болады. Ол қайырымдылық жұмыстарымен де танымал. Ол "100 дос" жобасын жасаған. Сол арқылы мұқтаж отбасыларға көмектесті", - деп жазды басылым.

27 қарашада ол табылғаны хабарланды, Мура Мариарчи қаза болған. Өлім себебі хабарланған жоқ.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!