Астанада көпқабатты үйде алапат өрт шықты

Елордалық өртсөндірушілер өртеніп жатқан пәтерден бес адамды аман алып қалды, - деп хабарлайды Massaget.kz тілшісі.

Төтенше жағдайлар департаменті мәліметінше, 16 қарашада таңертең өртсөндіру бөлімшесіне Бауыржан Момышұлы даңғылындағы көпқабатты тұрғын үйде пәтер өртеніп жатқаны туралы хабар түскен.

 Сурет: ТЖД

"Өртсөндірушілер үш минутта оқиға орнына жеткен. 11-қабатта 50 шаршы метр аумақтағы пәтер өртеніп жатқаны анықталған. Қызметкерлер бірінші кезекте көмек сұраған адамдарды құтқаруға кіріскен. Өз өмірлерін қатерге тіккен өртсөндірушілер бес адамды құтқарды. Оның біреуі - бала, сонымен қатар, он адам эвакуацияланды", - деді ТЖД баспасөз қызметі өкілі.

Посмотреть эту публикацию в Instagram

Публикация от Астана - Мой город! (@astana_smi)

Ведомство мәліметінше, зардап шеккендер ауруханаға жеткізілген. Өрт сөндіруге Астана қаласы Төтенше жағдайлар департаментінің 20-дан аса адамы мен алты техникасы жұмылдырылған. 

Сурет: ТЖД

"Өртсөндіру барысында өртсөндірушілердің өздері де зардап шекті, №10 өртсөндіру бөлімінің командирі мен өртсөндіру бөлімі бастығы көмекшісінің аяқ-қолдары мен бетін күйік шалды. Қазір оларға медициналық көмек көрсетіліп жатыр", - деді ТЖМ баспасөз қызметі өкілі.

Сурет: ТЖД

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!