Алматыда қала күнінде қандай қызықтар болады?

Алматыда қала күнінде қандай қызықтар болады?

Алматыда қала күніне орай 16-18 қыркүйек аралығында мерекелік іс-шаралар өтеді. Қала тұрғындары мен қонақтары концерттер, жәрмеңкелер, фестивальдар және тағы басқасын көре алады, - деп хабарлайды Massaget.kz тілшісі қала әкімдігінің баспасөз қызметіне сілтеме жасап.

Ведомство мәліметінше, мерекелік іс-шаралар бір уақытта бірнеше жерде өтеді: Тұңғыш Президент саябағы, Абай алаңы, Панфилов және Жібек жолы көшелері, Абай атындағы ҚҰОБТ алдындағы алаңда, Астана алаңы және "Алматы Арена" мұз сарайында.

16 қыркүйекте

15.00-де "Алатау" дәстүрлі өнер театрында республикалық ақындар айтысы өтеді.

16.00-де "Медеу" мұзайдынында "Medeu Party" халықаралық стрит-арт фестивалі өтеді.

17 қыркүйекте

Сағат 17.00-де "Астана" алаңында Gakku дауысы заманауи қазақстандық музыка фестивалі өтеді.

Қаланың барлық ауданында мерекелік концерт өтеді:

Алатау ауданы: "Алатау" дәстүрлі өнер театры алдындағы аумақ;

Алмалы ауданы: Mega Park СОО аумағы;

Әуезов ауданы: Family park аумағы;

Бостандық ауданы: Mega Almaty; Жетісу ауданы: Құлагер шағынауданының жаяу жүргіншілер аймағы;

Медеу ауданы: Орталық мәдениет және демалыс саябағы;

Наурызбай ауданы: Шұғыла көшесі, 347 мекенжайындағы әкімдік ғимаратының алды;

Түрксіб ауданы: Сейфуллин атындағы саябақ.

17-18 қыркүйек сағат 11.00-ден бастап Абай атындағы ҚҰОБТ алдындағы алаңда (Жібек жолы және Панфилов көшелерінің қиылысы) 1940-жылдардан бастап қазіргі күнге дейінгі қаланың мәдени-тарихи дәуіріне арналған "Сүйемін сені, Алматы" фестивалі өтеді.

18 қыркүйекте

11.00-де Тұңғыш Президент саябағында "Алма fest" негізгі мерекелік іс-шарасы ұйымдастырылады, соның аясында алма жәрмеңкесі, концерттік бағдарлама және көптеген іс-шара өтеді.

18.00-де Almaty Arena мұз кешенінде Salem Almaty концерті өтеді.

19.00-де "Астана" алаңында Zhuldyzdy Live концерті болады 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Сатыбалдина