Бақытбек Есентаев бостандыққа шығады

Сот Баян Мақсатқызының экс-жұбайы Бақытбек Есентаевты мерзімінен бұрын бостандыққа шығу өтінішін қанағаттандырды, - деп хабарлайды Massaget.kz Алматы облысының сотына сілтеме жасап.

Қапшағай қалалық соты 12 шілдеде Есентаевтың шартты түрде мерзімінен бұрын босату туралы өтінішін қарады. Прокурор сотталушының өтінішін қанағаттандыруды сұрады.

"Сотталушы және оның адвокаты өтінішті толығымен қолдап, қанағаттандыруды сұрады. Жәбірленуші Баян Алагөзова мен оның өкілі Бақытбек Есентаевты мерзімінен бұрын шартты түрде босатуға келісті.

Есентаевтың жазасын өтеу кезінде 11 көтермелеу болған, бір өтелген жаза бар, жазаның үштен екі бөлігін, яғни 6 жыл 1 ай және 2 күнін өтеген, мінез-құлқының үш оң дәрежесі бар. Жасалған қылмыстың қоғамдық қауіптілігін түсінді және жасаған ісіне өкінетінін айтты", - деді сот өкілдері.

Қапшағай қалалық сотының қаулысымен Есентаевтың мерзімінен бұрын шартты түрде босату туралы өтініші қанағаттандырылды.

Қаулы заңды күшіне енген жоқ.