Маңғыстаулықтар қыз жасауына көлік қосып берген
Фото: Видеодан алынған кадр

Маңғыстаулықтар қыз жасауына көлік қосып берген

Жасау қалыңмал мөлшерімен бірдей болады, кейде одан да асып түседі. Жасау ұзатылатын қызға беріледі. Қазақстанның кей өңірлерінде жасауға күнделікті тұрмыста қолданылатын бұйымдардан бастап, киім-кешекке дейін қосып береді. Желіде осындай қыз жасауына көлік қосып берген видео тарады, - деп хабарлайды Massaget.kz.

Видео Instagram-дағы kazaktin_sulu_kelindery парақшасында жарияланған. Көліктің цифрлық коды 12 екенін байқауға болады. Ал бұл Маңғыстау облысының нөмірі. 

"Сіздің де келініңіздің артынан осындай көлік келсін", - делінген видеода.

Пікір білдірушілердің бірі бұл Маңғыстауда болғанын жазса, енді бірі жалғыз қыз болған шығар деп топшылаған:

"Жалғыз қыз болған соң берген ғой", "Маңғыстау", "Ой, бөспе қазақтар-ай", - деп жазған Желідегілер.

Айта кетейік, қазақ салтында қыз жасауын беру ата-ананың борышы саналады. Жасауды дайындауға ағайын-туыс, көршілер де өз үлесін қосатын болған. 

Ж. Қадыржанова