Мирзиеев Қарақалпақстандағы оқиға кезінде қаза тапқандар болғанын айтты

Фото: Өзбекстан президентінің баспасөз қызметі

04 шілде 2022, 09:52

Өзбекстан президенті Шавкат Мирзиеев жексенбіде Қарақалпақстанның Жоғарғы кеңесінде сөйлеген сөзінде 1 және 2 шілдедегі оқиғалар салдарынан адам шығыны болғанын айтты, - деп хабарлайды Massaget.kz тілшісі мемлекет басшысының баспасөз қызметіне сілтеме жасап.

"Өкінішке қарай, бейбіт тұрғындар мен құқық қорғау органдарының қызметкерлері арасында қаза тапқандар бар", - деді Мирзиеев.

Қаза болғандар мен жараланғандар туралы нақты деректер әзірге хабарланған жоқ.

Бұған дейін Мирзиеев 1 шілдеде елде болған тәртіпсіздіктердің мән-жайын айтқан еді.

Е. Төлеш