Жүректің кенеттен тоқтауы - бұл дені сау болып көрінетін адамдарда болуы мүмкін өте ауыр және күтпеген жағдай. Бұл созылмалы аурулармен, генетикалық бейімділікпен және кенеттен физикалық немесе эмоционалдық күйзеліспен байланысты болуы мүмкін, - деп хабарлайды Massaget.kz тілшісі "Tengrinews.kz"-ке сілтеме жасап.
Кенеттен жүрек өлімінің ең көп тараған себебі - жүрек соғуының ырғақсыздығы (аритмия). Бұл жайлы UMC Жүрек орталығының интервенциялық аритмология меңгерушісі Өмірбек Нұралинов айтты.
"Көп жағдайда бұл жүрек соғу жиілігінің жоғарылауы (тахиаритмия), бұл жүрек соғу жиілігінің қатты төмендеуіне, қан қысымының төмендеуіне және бүкіл денеде оттегінің жетіспеушілігіне әкеледі. Сонымен қатар, жүректің кенеттен тоқтап қалуының тағы бір жиі кездесетін себебі - жүректа электрлік импульстің пайда болуының және/немесе таралуының бұзылуы", - деп түсіндірді елордалық дәрігер.
Нұралиновтың айтуынша, жүректің тоқтауы күрт дамиды. Оның белгілері күтпеген жерден пайда болады және өте тез дамиды.
"Негізгі белгілер - кенеттен есін жоғалту, бірнеше қалшылдаған күрсіну, содан кейін тыныс алудың толық тоқтауы, үлкен тамырларда импульстің болмауы, бет терісінің, аяқ-қолдардың бозаруы. Кейде құрысулар болуы мүмкін. Кейбір жағдайларда жүректің тоқтап қалуын алдын ала мына белгілерін білдіреді: ауырсыну, кеуде тұсындағы жағымсыздық, жүрек соғу жиілігінің жоғарылауы, тыныс алудың бұзылуы, ентігу, айқын әлсіздік", - дейді дәрігер.
Маманның айтуынша, қауіп тобында жүрек-қан тамырлары жүйесі аурулары бар адамдар бар.
Жүректің тоқтап қалуына "жанама" проблемалар да себеп болуы мүмкін. Патология жүрек-тамыр жүйесінің қызметімен тығыз байланысты болғандықтан, Нұралинов келесі қауіп факторларын атады:
Еске салайық, Париждегі жазғы Олимпиада ойындарында Алматы қалалық спорт басқармасының басшысы Ерден Хайруллин қайтыс болды. Алдын ала мәлімет бойынша, оның жүрегі тоқтап қалған.
Ерден Хайруллин 2009 жылы Қ. Сәтбаев атындағы Қазақ Ұлттық техникалық университетін "Автоматтандыру және басқару" мамандығы бойынша бітірген, 2011 жылы Қ. Сәтбаев атындағы Қазақ Ұлттық техникалық университетін "Экономика" мамандығы бойынша тәмамдаған және Азаматтық авиация академиясынын авиация техникасы және технологиясының магистрі дәрежесін алған.
2012-2019 жылдары Алмалы ауданы әкімі аппаратында кәсіпкерлікті және өнеркәсіпті дамыту бөлімінің бас маманы, осы бөлімнің басшысы болып қызмет атқарған.
2019-2022 жылдары Алматы қаласы Алмалы ауданы әкімінің орынбасары болып жұмыс істеген.
Алматы спортын 2022 жылдың мамыр айынан бері басқарып келді.
Қызықты жаңалықтар мен видеоларды көру үшін TikTok арнамызға жазылыңыз!